بغلان یشاوچیلریدن بیرقطارینی سلاموطندارگه ایتیشیچه، اوشبو ولایت هر بیر منطقهسیده برق امتیازی فرقلی دیر.
اولرنینگ ایتیشیچه، پلخمری شهریده برق میترینینگ توزیع ایتیلیش امتیازی 4 مینگ افغانی، مرکزی بغلان تومنیده 6 مینگ افغانی، طالبلر حاکمیتیده بولگن منطقهلرده 3 مینگ و شونینگدیک پلخمرینینگ کرکر منطقهسیده رایگان دیر.
اولرنینگ ایتیشیچه، بیر بولیمی حکومت و باشقه بیر بولیمی طالبلر نظارتیده بولگن منطقهلرده اوشبو هزینه 8 مینگ افغانیگه ییتیشهدی.
بغلان مدنی فعاللریدن بیری محمدعثماننینگ ایتیشیچه، بغلان بولایتیده برشنا ادارهسینینگ مدیریتسیزلیگی باعث، اوشبو ولایت یشاوچیلری شونینگدیک قیینچیلیک بیلن روپهره بولگنلر.
بغلان ولایتی بوییچه برشنا ریاستینینگ باشلیغی سلطاناحمد عزیزی، هر بیر منطقهده برق میتری امتیازینینگ فرقلی بولگنینی تصدیقلیدی و فرقلی شرکتلردن فرقلی میترلرنینگ وارد ایتیلیشینی بو موضوعگه دلیل قیلهدی.
اونینگ ایتیشیچه، برق میترینینگ عمومی هزینهسی 3600 افغانی دیر.
عینحالده، بغلان مدنی فعاللری و یشاوچیلرینینگ ایتیشیچه، اوشبو ولایت بیرقطار منطقهلریده برق پولی طالبلر تامانیدن توپلنهدی و اولر بو پول بیلن اوروش تجهیزاتلرینی کوپهیتیرهدی.
