بدخشان ده انسان حقلری ایرکین کمیسیونی نینگ ولایتی دفتری، بو ولایتده قوراللی اوروشلرده کیچیک جنگریلری نینگ حضوریدن خبر بیریب و بو توغریده اوز خواطری نی بیلدیرگن.
بدخشان ده انسان حقلری ایرکین کمیسیونی نینگ ولایتی دفتری باشلیغی عارفه نوید نینگ ایتیشیچه، اوشبو ولایت نینگ بهارک، جرم، وردوج، یمگان و باشقه بیر قطار تومنلری نی تیکشیرگنلر و نتیجهده، اوروش تامانلری بالهلردن عسکر صفتیده قولهنیشی توغریسیده معلومات تاپگنلر.
اونگه کوره، اوروش تامانلری انسان حقلری ارزشلری نینگ رعایت قیلمهی و بالهلردن اوروش عسکری صفتیده قوللنهدی.
اونینگ ایتیشیچه، بیر قطار بالهلر مکتب گه باریب قوللریگه قلم آلیش اورنیده، شانهلریگه قورال کوتاریب و اوروش میدانلریگه حضور تاپیشهدی.
بدخشان انسان حقلری ایرکین کمیسیونی نینگ ولایتی دفتری باشلیغی گه کوره، اولر بو موضوع نی نیچه مرته محلی رسمیلر بیلن اورته گه قویگنلر، بیراق حاضرگچه هیچ قندهی جواب قولگه کیلتیرمهگنلر.
بدخشان امنیتی رسمیلری ناقانونی قوراللی کیشیلرنینگ یانیده بالهلر موجودلیگی نی تصدیقلهیدی، بیراق اولرنینگ ایتیشلریچه، امنیتی نهادلرده یاشی قویی کیشیلرنینگ جذب قیلیش پروسهسی کمهیگن.
بدخشان پولیس قومندانلیگی سوزلاوچیسی ثنالله روحانی نینگ ایتیشیچه، امنیتی کوچلرنینگ صفیده یاشی قویی کیشیلرنینگ جذب قیلینیشی ناقانونی دیر.
روحانی گه کوره، امنیتی کوچلر اینیقسه پولیس نینگ صفیده یاش قویی هیچ بیر باله یوق دیر.
بدخشان ده انسان حقلری و مدنی نهادلر قوراللی اوروشلرده بالهلرنینگ حضوری کوپهیگنیدن خواطر بیلدیریب ایتیشلریچه، حکومت بو موضوع گه دقت قیلمهگن صورتده، کوپینچه بالهلر قورال کوتاریب و اوروش نی شدتلنتیریشلری ممکن.
