مملکت اهالیسی هردایم حکومتدن تنقید قیلیب و قیینچیلیکلری حل ایتیلیشینی سورهیدی و عین حالده، CSIO کبی اجتماعی ترماقلردن بیرقطاری، قیینچیلیکلرنی تاپیب و قیشلاقیلرگه همکارلیک قیلیش اوچون سعی و حرکت قیلهدیلر.
جماعهنی یخشیلنتیریش همکارلیک مؤسسهسی یا-ده CSIO ادارهسی بغلان ولایتینینگ مرکزی و قیشلاقلریده بیرقطار برنامهلرنی عملگه آشیریب اهالی گه اجتماعی مسئلهلر و معلوماتلری یوقاری کیتیشی توغریسیده کوپلب همکارلیک قیلگن.
پلخمری شهرینینگ گذر وکیللریدن بیری علام فاروق، مذکور مؤسسه برنامهلری و فعالیتلریدن ایسلب ایتیشیچه، اوشبو مؤسسه ساغلیق، مدنی و اجتماعی موضوعلرگه جدی شکلده دقت قیلیب و بغلان اهالیسی CSIO مؤسسهسیدن منتدارلیک بیلدیرهدی.
جناب غلام فاروقنینگ ایتیشیچه، اهالی بوندن سونگ حیات و محیط قیینچلیگی ده اوزلرینی مسؤول بیلیب و اوشبو قیینچلیکلرنی حل ایتیش اوچون سعی و حرکت قیلهدیلر.
CSIO مؤسسهسینینگ اوقیتووچیلریدن بیری فهیمه نورینینگ ایتیشیچه، باشلنگیچده اهالی بیلن مدنی تعلیماتلرگه روپهره بولگن چاغیده، اولرنینگ قرهشلری امیدسیزلیککه تارتیلگن ایدی، بیراق حاضرده اوشبو قرهشلرگه اوزگریش کیلگن و اهالینینگ دموکراسی، مدنیت و عدالت توغریسیده ییترلیچه معلوماتی بار.
مذکور مؤسسهنینگ اجرایی مسؤولی محمدنور یادگارینینگ ایتیشیچه، مدنی و باشقه مسئلهلرگه اهالینینگ معلوماتی یوقاری کیتیشی امیدلی دیر، بیراق حاضرده هم بو توغریده بیرقطار قیینچیلیکلر موجود و اولرنی حل ایتیش اوچون زمان کیرهک.
جناب یادگاری گه کوره، محل یشاوچیلرینینگ مدنی، دموکراسی، قانون و باشقه مسئلهلر توغرسیدهگی معلوماتلری اوشبو مؤسسه فعالیتلری جریانیده یوقاری کیتگن.
جماعهنی یخشیلنتیریش همکارلیک مؤسسهسی یا-ده CSIO ادارهسی حاضرگچه بغلان ولایتینینگ دوشی و خنجان تومنلری و پلخمری شهرینینگ بیرقطار قیشلاقلریده فعالیت قیلیب کیلماقده.
