میدیالر تامانیدن بیریلگن گزارشلر اساسیده، ننگرهارده بیرینچی بانون دفتری تامانیدن یاردم بیریلگن پولنی طالبان گروهی اوت بیرگن.
بوگون «چهارشنبه» کابلده «آنهلر اولیمی کمهیتیریلیشی خصوصیده سوز» نامیده یولگه قوییلگن ییغینده مملکت بیرینچی بانوسی رولا غنی نینگ ایتیشیچه، ننگرهار ولایتیده طالبان گروهی تامانیدن اوت بیریلگن یاردم پولی، بیتالمال پولی ایدی و مذکور نینگ کمبغل عیاللریگه یاردم قیلینیش نیتی گه یوباریلگن ایکن.
بیرینچی بانوگه کوره، بو پول مالیه وزیرلیگی تامانیدن توللنگن ایکن و اونینگ دفترینی هیچ بودجهسی یوق دیر.
رولا غنی نینگ کوپهیتیریشیچه، طالبان گروهی زیان کورگن کیشیلرگه یاردم بیریشنی سیاست بیلسه، او بوندهی سیاست گه دوام بیرهدی.
شو توغریده…
رولا غنینینگ «سادات قوم ایمس» دیگنی جنجال چیقاردی
خانم غنی نینگ ایتیشیچه، بیتالمال پولی اوت بیریلمهی زیان کورگنلرگه ییتکزیلیشی کیرهک.
آنهلرنینگ ساغلیگی توغریسیده خانم غنی نینگ ایتیشیچه، بالهلرنی آرهسیده کم فاصله بیریلیشی، حامله عیاللرگه عایلهلرنینگ دقتسیزلیگی، قانونی یاشدن قویی تورموش قوریش، ساغلیک خذمتلریگه قول تاپه آلمسلیک و ولایتلردن بیرقطاریده عیال داکتر یوقلیگی آنهلرنینگ حیاتینی خطرگه روپهره قیلهدی.
مملکت بیرینچی بانوسی آنهلر اوچون بولهدیگن ساغلیک خذمتلرینی ییترلی ایمس دیب ایتیشیچه، کسلخانهلرده حامله عیاللرنینگ رقمی توپلهنیب و توغروقخانه کسلخانهلری یخشی بیر شکلده مدیریت قیلینیشی لازم.
