آمریکا مدلی سارا گولدن، منهتن شهریده آچیق بیر محکمه آرقهلی ادعا قیلیشیچه، حامد کرزی کابینهسینی مدافعه وزیری عبدالرحیم وردک نینگ اوغلی تامانیدن جنسی زورلنگن.
گولدن تورلی برندلر بیلن ایش قیلهدی. اونینگ ایتیشیچه، میلادی 2018- ییل، جولای آیی نینگ تورتینچی هفتهسیده ایکی کیشیلیک سفری جریانیده حامد وردک اونگه تجاوز قیلگن.
محکمه ده سارا گولدن نینگ ادعا قیلیشیچه، مدافعه وزیری نینگ اوغلی اونگه سین کیچیک بیر مدل بولگنینگ اوچون سوزینگ گه کیمسه ایشانمهیدی دیگن.
نیویورک پست بیلن صحبت اوتکزگن سارا گولدن نینگ ایتیشیچه، 10 ییل آلدین حامد وردک بیلن تانیشگن.
29 یاشیده بولگن خانم گولدن نینگ کوپهیتیریشیچه، حامد وردک هردایم پولدن فایدهلنیب باشقهلرنینگ حیاتی گه نفوذ قیلیش خصوصیده سعی و حرکت قیلهدی.
حامد وردک نینگ مدافعه وکیلی الکسیس فیلد، خانم گولدن نینگ بوتون ادعالرینی رد قیلیب ایتیشیچه، گولدن شهرت قازانیش اوچون بو ادعانی قیلگن.
سارا گولدن نینگ ایتیشیچه، حامد وردک بیلن بیر آی عشقی علاقهده ایکن، بیراق بو علاقه نی یکونلنتیریش گه قصد قیلگن بیرچاغده، حامد وردک اونگه تجاوز قیلگن.
گولدن عدلی و قضایی ادارهسی گه شکایت قیلگنیدن سونگ، حامد وردک هم گولدن گه قرشی ایکی قضیه رویخط گه بیرگن. حامد وردک نینگ ادعا قیلیشیچه، گولدن او بیلن یالغیز پولی اوچون علاقه قورگن و بیر مرته کوچیگینی دارولش اوچون اوندن 20 مینگ دالر آلگن.
گزارشلرگه کوره، حامد وردک ایکی مرته منهتن شهریده گولدن نینگ اذیت قیلگنی اوچون توتقونگه آلینگن.
گولدن، حامد وردک تامانیدن جنسی زورلنگنینی قورقینچلی ایدی دیب و ایتیشیچه، «اونی ایسلش یامان بیر رویا کبی دیر.»
