.jpg)
قندهار ولایتینینگ سابق خوفسیزلیک قومندانی جنرال عبدالرازق اچکزی هلاک ایتیلگنیدن سونگ، مذکور ولایت خوفسیزلیگی برهم اورولیشی و قطار تومنلری طالبلرنینگ قولیگه سقوط قیلیشی توغریسیده خواطرلر تاپیلگن ایدی.
بیراق، قندهار حقوقدانلریدن محمدعثمان کاکرنینگ ایتیشیچه، جنرال عبدالرازق بوتون عمرینی مذکور ولایت خوفسیزلیگی تأمینلنیشی خصوصیده صرفلب و مهم امنیتی پستلرده مسلکی و بیلیملی کیشیلرنی تعیین قیلگنی باعث، اولیمیدن کیین هم بو ولایتنینگ خوفسیزلیگی برهم اوریلمهگن.
جناب کاکرگه کوره، سابق خوفسیزلیک قومندانینینگ ایشیده بولگن تیزیم و ایش گروهی مسلکی بولگنی باعث، اونینگ اولیمیدن سونگ، خوفسیزلیک خواطرلری برطرف ایتیلگن.
شونینگدیک، قندهار یشاوچیلریدن بیرقطارینینگ ایتیشیچه، جنرال عبدالرازق هلاک ایتیلگنیدن سونگ، بو ولایتنینگ خوفسیزلیگی اوزگرمهگن.
.jpg)
قندهار تینچلیک عالی کینگشینی مسؤولی و سیاسی ایش بیلرمان محمدعمر ساطع نینگ ایتیشیچه، قندهار مملکتنینگ اونملی ولایتلریدن بیری سنلهدی و پولیس، حربی و چیتایللیک کوچلرگه یشاوچیلرنینگ همکارلیگی باعث، مذکور ولایت خوفسیزلیگی یخشی بولگن.
قندهار خوفسیزلیک قومندانلیگینی سوزلاوچیسی ضیاء درانینینگ ایتیشیچه، مذکور ولایت خوفسیزلیگینی اصلی عاملی جنرال عبدالرازقنینگ ادارهسینی تیزیمی و مذکور ولایتنینگ ینگی خوفسیزلیک قومندانی تادین خان دن یشاوچیلرنینگ حمایتی دیر.
جناب درانی گه کوره، شو کیچه-کونده ینگی خوفسیزلیک قومندانی اوغیرلاوچیلر، ناقانونی قوراللی کیشیلر، قیلونچیلر و ولایت خوفسیزلیگینی برهم اورهدیگنلرگه قرشی کورهشنی باشلهگن و اونینگ بو ایشی ولایت یشاوچیلری تامانیدن خوش قرشیلنگن.
