.JPG)
افغان قیزیل یریم آی تشکیلاتی نینگ سوزلاوچیسی میرام صداقت اوشبو سوزلرنی تیلگه آلیب، سلاموطندارگه ایتیشیچه، قویاش 1378- ییلدن بویان یورهک تیشیگیی کسللیگیگه چالینگن 9457 باله رویخطگه آلینگن و بو جملهدن 4000 مینگدن آرتیغی دوالنگن.
جناب صداقتنینگ ایتیشیچه، آییده چمهسی یورهک تیشیگی کسللیگیگه چالینگن 30 باله دوالنیش اوچون مملکتدن تشقریگه یوباریلهدی و هندوستان ایسه بو توغریده افغانستانگه ییریک یاردم بیرهدیگن مملکتلردن جلمهسیدن.
افغانستان قیزیل یریم آی ادارهسی سوزلاوچیسیگه کوره، اوشبو کسللرنی دوالش خرجتی، باشقه مملکتلر بیلن قول قوییلگن کیلیشوولر و ایثار لایحهسی تامانیدن تامین ایتیلهدی.
.JPG)
عینحالده، یورهک تیشیگی لایحهسی عمومی مسؤولی آمری داکتر فاطمه نصیرنینگ ایتیشیچه، یورهک تیشیگی کسللیگی توغمه بولگن و سببی هم بیللی ایمس. بیراق، بالهگه فاصله کیلتیرمسلیک، قان کملیگی، آنهلر ناگرانلیگی، ساغلیق مرکزلریگه قول تاپه آلمسلیک، آنه وضعیتیدن خبرسیزلیک و بویلیکنی بیرینچی ایکّی هفتهسیده ایریم دارولردن فایدهلنیش، یورهک تیشیگی کسللیگیگه سبب بولهدی.
خانم نصیر، یوتل، یوز کوکلیگی و کوتیمسیز هوشسیزلیکلرنی، یورهک تیشیگی کسللیگینینگ اصلی بیلیگی لریدن دیب، اوشبو کسللیکلرنی باشقریش اوچون خلق معلوماتینی آشیریش مهم موضوعلردن بولگن دیگن. اونگه کوره، اوشبو مرکز ساغلیق مرکزلریده متخصص داکترلرنی ایشگه آلگن و بولر بویلیک آنهلرگه اوشبو قیینچیلیکلرنی باشقریش اوچون تعلیمات بیرهدی.
