اخیرگی ییللرده چوبیرکه لرنی غور ایکینچیلرینینگ ایکینزار ییرلریگه قرشی هجومی، مذکور ولایت ایکینچیلرینی خواطرگه تشلهگن. بیراق غور ولایتینینگ ایکینچیلیک ریاستی، چوبیرکه هجوم لریگه توسیق بولیش اوچون فیروزکوه و دولتیار تومنیده کمپاین یولگه قویگن.
غور ایکینچیلیک ادارهسینینگ سرپرستی گلحضرت امینینینگ ایتیشیچه، 7 مینگ هکتار ایکینزار ییر بو کمپاین گه شامل بولهدی.
غور ولایتینینگ ایکینچیلریدن بیرقطارینینگ چوبیرکهلر هجومیدن خواطر بیلدیریب ایتیشیچه، انهشو پیت لرده هوا ایسیقلیگی سبب چوبیرکهلر میدانلرگه تاپیلگن. نعمتالله و محمدعلینینگ ایتیشیچه، اوشبو آفت گه قرشی حرکت ایتیلمهگن حالده، میلیونلرچه چوبیرکه ایکینزارلر و اوتلاقلر اوستیگه هجوم قیلهدی.
غور حاکمینینگ سوزلاوچیسی عبدالحی خطیبینینگ ایتیشیچه، مذکور ولایت ایکینچیلیک اداره سی تامانیدن هرییل چوبیرکه گه قرشی حرکت لر صورت تاپهدی، بیراق کورینیشچه اوشبو حرکت لر ایجابی نتیجه بیرمهگن.
غور ولایتی نیچه ییلدن بویان قوروقچیلیک بیلن دوچ کیلگن و ایکینزارلرگه چوبیرکه لرنینگ هجومی مذکور ولایت اهالیسی گه قرشی کته تهدید حسابلنهدی.
