قندوز ولایتیده طالبان گروهی حاکم بولگن منطقهلرده 100 دن آرتیق دینی مدرسه رخصتسیز فعالیت قیلهدی.
قندوز ولایتیده حج و اوقاف ریاستی مسؤوللری نینگ ایتیشیچه، مذکور ریاست نینگ بو مدرسهلرنی فعالیتی قندهیلیگی توغریسیده هیچقندهی معلوماتی یوق دیر. گرچند بو مدرسهلر قانونی بولیشی خصوصیده نیچه مرته مسؤوللری بیلن صحبت قیلگنلر، بیراق سلبی جواب آلگنلر.
قندوز ولایتیده حج و اوقاف ریاستی نینگ دینی بیلیم تعلیمات مدیری مولوی امامالدین نینگ سلاموطندارگه ایتیشیچه، مذکور ولایتده یالغیز 30 دن آرتیق دینی مدرسه رویخط گه آلینگن.
قندوز ولایتی بوییچه مدنی جماعهچیلیک ادارهلر ترماغی باشلیغی عنایتالله خلیق نینگ ایتیشیچه، مذکور ولایت نینگ حج و اوقاف و معارف ریاستلریدن قولگه کیریتگن معلوماتلری اساسیده، قندوز ولایتیدهگی رخصتسیز مدرسهلردن کوپینچهسی نینگ فعالیتی پاکستانلیک مدرسهلرنینگ فعالیتی کبی بولگن.
قندوز پولیس قومندانی منظور استانکزی نینگ ایتیشیچه، طالبان گروهی نینگ نظارتیده بولگن منطقهلرنی یاشلریدن کوپینچهسی شو مدرسهلرده تعلیمات کوریب و دولت بیلن توزوم گه قرشی تحریک قیلینهدی.
قندوز مملکت شمالیده ناتینچ تومنلردن بیری سنلهدی و هردایم طالبان گروهی نینگ هجوملریگه گواه بولیب تورهدی.
