غزنی ولایتی گیروی تومنینینگ قوم بویوکلرینی سلاموطندارگه ایتیشیچه، مذکور تومن 18 مکتبیدن آمرلر، اوقیتووچی‌لر و ملازملر شامل 120 کیشی قورالی طالب‌لر تامانیدن اوغیرلنگن.
اولرنینگ ایتیشیچه، اوشبو کیشیلر آیلیکلرینی کابلبانک آرقهلی قولگه کیلتیرگنی باعث اوغیرلنگنلر.
قوم بویوکلرینینگ ایتیشیچه، قورالی طالب‌لر، مکتبلرنینگ اوقیتووچی‌لر و ایشلاوچیلرینینگ آیلیکلرینی معتمدلر آرقهلی احواله ایتیلیشینی سورهگن ایدیلر.
اولرنینگ ایتیشیچه، اوغیرلنگن کیشیلرنی قورتهریش اوچون حاضرگهقدر حکومت تامانیدن هیچقندی اقدام صورت تاپمهگن و دین عالملر و قوم بویوکلرنینگ سعی و حرکتلری هم نتیجه بیرمهگن.
غزنی ولایتینینگ معارف ادارهسی باشلیغی محبالرحمان انصارنینگ اوشبو خبرنی تصدیقلب ایتیشیچه، اوغیرلنگنلردن کوپینچهسی قوییب یوباریلگن و یالغیز 5 اوقیتووچی آیلیکلرنی کابلبانک آرقهلی احوال ایتیلیشی خصوصیده طالب‌لر قناعتی نی قولگه کیلتیریش اوچون قالگن.
عینحالده، غزنی حاکمینینگ سوزلاوچیسی محمدعارف نورینینگ ایتیشیچه، طالب‌لر شونینگدیک حرکتلری بیلن اوقیتووچیلرنینگ آیلیگیدن بیر بولیمینی آلیشنی ایستهیدی.
جناب نوری گه کوره، اداری فساد و خیالی اوقیتووچیلرنینگ بولگنی باعث اوقیتووچیلرنینگ آیلیکلرینی موبایل آرقهلی احواله ایتیلیشی ممکن.
غزنی ولایتی کینگش اعضالرینینگ ایتیشیچه، طالبلرنینگ تهدیدی باعث قرهباغ، اندر و باشقه قطار تومنلرینینگ اوقیتووچیلری 6 آیدن بویان آیلیکلرینی قولگه کیلتیرمهگن.
