.jpg)
بوگون «دوشنبه» کابلده خبری ییغین اوتکزگن مدنی و اجتماعی ادارهلر و نمایندهلر کینگشی اعضالریدن بیرقطاری، جمهورلیک ریاستی تامانیدن برقی کیملیکلر ترقهتیلیشیگه قرشی اعتراض بیلدیریب ایتیشیچه، افغانستاننینگ بوتون قوملری اوستیگه خاص بیر کیملیکنی تحمیل قیلیش اجتماعی قیینچیلیک و مملکت تجزیه ایتیلیشیگه زمینه یرهتهدی.
اوشبو ییغینده نمایندهلر کینگشی اعضاسی حفیظ منصورنینگ ایتیشیچه، وجودگه کیلگن قیینچیلیک اساسی شکلده حل ایتیلیشی اوچون افغانستان آتینینگ یانیده خراسان تأریخی آتی قوییلیشی کیرهک. او، اجراییه ریاستیدن افغان کیملیگی بیلن برقی کیملیکلر ترقهتیلگن چاغیده، مذکور ریاست برقی کیملیکلرنی خراسان کیملیگی بیلن ترقهتیشینی سورهدی.
جناب منصور، ملی بیرلیک شعارینی یالغان دیب ایتیشیچه، بیر-بیراوینینگ حقیگه حرمت بولمهگونگهقدر، ملی بیرلیک شعاری هیچ قچان عملگه آشیریلمهیدی.
اوشبو ییغین اداغیده مدنی و اجتماعی ادارهلر و نمایندهلر کینگشی اعضالری، بیر اعلامیه ترقهتیب اوز باشیمچهلیک، یکهتازلیک، بیر کیملیکنی تحمیل قیلیب و باشقه کیملیکلر حذف ایتیلیشینی قرآنکریم حکمی، عدالت و اساسی قانون گه قرشی دیگنلر.
.jpg)
اوشبو اعلامیهده کیلیشیچه، جمهورلیک ریاستی برقی کیملیکلرنی حکومت بوییچه کوپینچه قرهمه قرشیلیکلر موجود بولیب و افغانستاننینگ هر بیر چیکهسیده اوروش دوام ایتیب تورگن بیرچاغده ترقهتیشگه باشلهگن.
اعتراضچیلرنینگ آگاهلنتیریشیچه، برقی کیملیکلر ترقهتیش جریانی توختهتیلمهگن صورتده، اولر افغانستاننینگ آتی خراسان گه، ملی سرود پشتو دن فارسی گه و پولی واحد افغانی دن پیسه گه اوزگریشی خصوصیده، ایش گه کیرهدیلر.
اولر، برقی کیملیکلر قویاش 1393- ییلده نمایندهلر کینگشی تامانیدن تصدیقلنگن قانون اساسیده، ترقهتیلیشینی سورهیدیلر. شونینگدیک، اوشبو ادارهلرنینگ اعلامیهسیده کیلیشیچه، ایستکلریگه ایجابی جواب بیریلمهگن صورتده، ناراضیلیکلریگه دوام بیرهدیلر و مسؤولیتی ایسه حکومتنینگ بوینیگه دیر.
بو توغریده جمهورلیک ریاستینینگ فکرینی اورگهنیش اوچون علاقه قوردیک، بیراق سعی و حرکتلریمیز نتیجهسیز قالدی.
