سلاموطندار ترماغیگه گپیرگن گرمسیر تومنینینگ ولسوالی ایوبعمری، بوگون ایرتلب (سهشنبه) هلمند ولایتینینگ دریاسیده سوو تاشقینی یوز بیریشی نتیجهسیده «لکری»، «درویشان» و صفار منطقهلرینینگ 120 یشاوچسی سیلده قالگنلر دیگن.
جنابعمری، مذکور شخصلر قوتقزیلیشی اوچون هوا کوچلریدن یاردم سورهلگن دیگن. ایتیلیشیچه، تیزلیکده منطقهگه هوا کوچلری ییتیب باریشی ممکن.
گرمسیر تومنینینگ ولسوالی، سوو تاشقینلریده قالگن اهالینینگ کته قمسی خلق همده پولیس کوچلری همکارلیگی بیلن خوفسیزلیگی تامین ایتیلگن منطقهلرگه ییتکزیلگنلر دیگن.
.jpg)
باشقه تاماندن، هلمند ولایتی طبیعی حادثهلرگه قرشی کورهشیش ادارهسینینگ مسووللری، اخیرگی وقتلرده ولایتده یوز بیرگن سوو تاشقینلری عاقبتیده ولایت اهالیسیگه کته مالی زیان ییتکیزگن دیگن.
ولایت طبیعی حادثهلرگه قرشی کورهشیش ادارهسینینگ باشلیغی میرقلم زاهدیگه کوره، منطقه ده طالبلر بارلیگی ینه نابرقرالیکلر سبب هنوزگچه طبیعی واقعهلرده زیان کورگن خانهدانلرنینگ سانی انیق معلوم بولمهگن. انه شو باعث هم بو منطقهلرگه انسان پرورلیک یاردم ییتکزیلمهگن.
