باشکینت یشاوچیلریدن بیرقطاری، هییت عرهفهسیده قوروق میوه بهاسی کوتریلگنیدن شکایت قیلگنلر. اولرنینگ ایتیشیچه، ایلگری آی گه نسبتن قوروق میوه بهاسی تکرارسیز شکلده کوتریلگن و اهالی ساتیب آله آلمهیدی.
قوروق میوه ساتووچیلردن بیرقطاری نینگ ایتیشیچه، قوروق میوهلر بهاسی کوتریلیشی بیلن اولرنینگ سودا و ساتیغی هم کمهیگن.
اولرگه کوره، بو ییل اوتگن ییللرگه نسبتن ایچکی محصولات جملهدن مهییز، نخود و بادام بهاسی 50 افغانی دن باشلب 150 افغانی گچه کمهیگن، بیراق چیتایللیک قوروق میوهلر جملهدن آمریکاییلیک بادام و پسته بهاسی 200 افغانی دن باشلب 300 افغانی گچه کوتریلگن.
عین حالده، جامعهشناسلردن بیرقطاری نینگ ایشانچی گه کوره، قوروق میوه ساتیب آلیش گه کوچی ییتمهگنلر اوچون هییت کونلریده دسترخوان بیزهش کیرهک ایمس دیر، بلکیم ساده بیر دسترخوان بیلن مهمانلریگه میزبانلیک قیله آلهدیلر.
مملکت جمعیتی آرهسیده هر ییل ثروتمندلر هییت دسترخوانینی تورلی قوروق میوه و کیکوکلوچه بیلن بیزهیدیلر، بیراق کمبغل عایلهلر اوچون هییت کونلری عادی کونلر دیک اوتهدی.
