پریود یا-ده آیلیک دورهسی توغریسیده قیز اوقووچیلرنینگ خبرسیزلیگی اورگهتیش و تربیهلش رواجلنیشی گه قرشی اساسی قیینچیلیکلردن بیری سنلهدی.
معارف وزیرلیگی مسؤوللری نینگ ایتیشیچه، اوقووچی قیزلرنینگ تعلیمی قیینچیلیکلریدن کوپینچهسی طبیعی واسطهلر و آیلیک دورهسی یا-ده پریود توغریسیده قیز اوقووچیلرنینگ خبرسیزلیگی دیر.
بوگون «چهارشنبه» کابلده قیزلرنینگ آیلیک دوره سی یا-ده پریود ساغلیک کونیدن نشانلنگن بیرچاغده، بو توغریده بحث قیلیش حاضرگهقدر افغانستان مذهبی جماعهسیده تابو سنلهدی.
آیلیک دورهسی یا-ده پریود زمانیدن کیشیلیک ساغلیگیدن ینگی بلاغت گه ییتیشگن قیزلرنینگ خبرسیزلیگی، اولرنینگ عقلی و عصبی قیینچیلیکلرگه دوچار قیلهدی.
قیزلرنینگ کیشیلیک ساغلیک کونیدن نشانلش مراسمده معارف وزیرلیگینی سرپرستی میرویس بلخی نینگ ایتیشیچه، آیلیک دورهسی یا-ده پریود زمانیده کیشیلیک ساغلیکدن قیزلر اینیقسه اوقووچی قیزلرنینگ خبرسیزلیگی باعث، اوقووچیلر توغری شکلده درسلریگه ییتیشه آلمهیدی.
اوشبو مراسمده بیرلشگن ملتلر تشکیلاتی نینگ بالهلردن حمایت قیلیش صندوقی یا-ده یونیسف نمایندهسی یان فولرنینگ ایتیشیچه، عایلهلر آیلیک دورهسی یا-ده پریود زمانیده قیزلری اینیقسه قیز اوقووچیلرنینگ ساغلیگینی جدی آلیشلری کیرهک.
یونیسف ادارهسی تامانیدن بیریلگن رقم اساسیده، افغانستان قیزلریدن 50% نینگ آیلیک دورهسی یا-ده پریود توغریسیده خبرلری یوق دیر و شونینگدیک، ساغلیک ملزمهلری گه یخشی بیر شکلده قول تاپه آلمهیدیلر.
