.jpg)
افغانستان بوییچه اروپا بیرلشمهسینی ایلچیسی پیری مایدوننینگ ایتیشیچه، افغانستان تینچلیک کیلیشووی بیر مذاکره میزیده نیچه کیشینینگ آرهسیده عملگه آشیریلهدی، بیراق افغانستان قیشلاقلریده دایمی تینچلیک تأمینلنهدی.
بوگون «سهشنبه» کابلده «حقیقی افغانستان و قیشلاقی افغانستان» موضوعی بیلن یولگه قوییلگن ییغینده جناب مایدوننینگ ایتیشیچه، قیشلاقیلرنینگ سیسلری ایشیتیلیشی کیرهک، چونکه اولر برچهدن آرتیق قوراللی عصیانچیلرگه قرشی تورگنلر.
شونینگدیک، اوشبو ییغینده اشتراک قیلگن قطار ولسواللر، دولتگه قرشی قوراللی عصیانچیلرنینگ فعالیتی کینگهیگنی، مرکزی حکومتنینگ دقتسیزلیگی، بودجه اجرهتیشده فساد موجودلیگی و تومنلرنینگ قیینچیلیکلریگه دقت قیلینمهگنیدن شکایت قیلگنلر.
.jpg)
خوست ولایتینینگ گردیز تومنی ولسوالی محمداکبر زدراننینگ ایتیشیچه، مملکت قیشلاقلریدن کوپینچهسی دولتگه قرشی قوراللی گروهلرنینگ نظارتی گه اوتگن. جناب زدران گه کوره، دولتگه قرشی قوراللی عصیانچیلرنینگ تاولانچیلیگی و پروژهلر تطبیق ایتیلیشی خصوصیده، دولتی ادارهلرده بولگن فساد، قیشلاقلرده یشهیدیگن یشاوچیلرنی زیریکتیریب و ناراض قیلگن.
افغانستان بوییچه اروپا بیرلشمهسی ایلچیسینینگ بو سوزلری، سونگی کونلرده آمریکا قوشمه ایالتلری و طالبان گروهی آرهسیده تینچلیک سوزلشوولری شدتلنگن بیرچاغده بیان ایتیلگن و ینگیلیکده افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزادنینگ ایتیشیچه، تینچلیک کلیدی افغانستانده دیر.
