بامیان ولایتی نینگ یشاوچیلریدن یوزلرچهسی ناراضیلیک بیر نمایشده حلیم تنویرنینگ صورتلرینی اوت بیریشگن.
بامیان اعتراضچیلری، حلیم تنورنینگ هزاره قیزلری پشتون اوغیللری بیلن تورموش قورسین دیگن سوزلرینی تبعیضلی دیب و انسان حقوقی بوییچه ادارهلریدن تنویرنینگ بو سوزلری برابریده جیم تورمهسینی سورهگن.
اعتراضچیلردن بیری محمدسجاد محسنی نینگ ایتیشیچه، حلیم تنویر تبعیضلی سوزلری توغریسیده محکمه گه تانیشتیریلیشی کیرهک.
بامیان ولایتی بوییچه انسان حقوقی و مدنی جماعهچیلیک ترماغی مسؤولی اسماعیل ذکی نینگ ایتیشیچه، حلیم تنویرنینگ ایشانچی تبعیضلی و انسان حقوقی ارزشلریگه قرشی دیر.
اونگه کوره، بوندهی سوزلر مملکت ده قومی قرهمه قرشیلیکلر و اوروشگه سبب بولهدی.
اوشبو اعتراضچیلر 6 مادهلیک بیر شرطنامه نشر قیلیب، حلیم تنویر محکمه گه تارتیلیشی و حکومت تامانیدن تبعیض نی منع قیلووچی قانون تصدیقلنیشینی طلب قیلیشگن.
حلیم تنویر آلمان نینگ کلن شهریده محمدگل مهمندنینگ فعالیتلریدن نشانلش مراسمده قوملرنی ارهلشتیریش توغریسیده ایتیشیچه، صلاحیتی بولگنده هزاره قیزی نینگ پشتون اوغلی گه نکاح قیلردی. اونینگ کوپهیتیریشیچه: «مین قدرت گه کیلگنیمده قوملرنی ارهلشتیریب یکونلنتیرهمن، افغانستان نی بیرلشتیرهمن و ملی بیرلیک نی وجودگه کیلتیرهمن و ینه کیمسه گه قوم آتی بیلن توریشگه رخصت بیرمهیمن.»
