افغانستاندهگی موجود خوفسیزلیک قیینچیلیکلری باعث، عبیدالله کریمی اوز اولکهسینی آلمان و آیدین کیلهجک نیتی گه ترک ایتگن.
اوشبو قرار باشی گه اورگن بیرچاغده، نیچه قاچاقچی گه مراجعت قیلگن و هر بیری عبیدالله گه قیزیل و یشیل باغلرنی کورستگن و نتیجهده قراری قطعی بولیب سفر اوچون یولگه توشگن.
عبیدالله کونگلینی اوی و کاشانهسیدن اوزیب بیر آز کیرهکلی ملزمه بیلن نیمروز تامان یولگه آلگن. نیمروزدن ایران تامان بولگن حرکتی نیچه ییللیک سفر قیینچیلیکلرینی باشلنغیچی ایدی. سفرنینگ بیرینچی کونلریده باشلنگن قیینچیلیکلر عبیدالله اوچون اونگیده اوزون و خطرلی یول بولگنینی اثباتلگن؛ اونینگ ایشانچی گه کوره، قاچاقچیلر تامانیدن بیریلگن سوزلر سوز صفتیده قالهدی.
عبیدالله گه ایران چیگرهسی گه ییتکزیش سوزینی بیرگن قاچاقچی، نیمروزده اونینگ باشقه بیر قاچاقچی گه تاپشیرگن؛ بویوک هیکللی کیشی برچه یوللاوچیلرگه بیگانه ایدی.
عبیدالله نینگ ایتیشیچه: «آغیر کونلرنی باشدن کیچیریب تهران گه ییتیشدیک. بو یولده یوللاوچی انتقال بیرهدیگن قاچاقچیلر کیچیک موترلرده 15 دن 20 گچه یوللاوچی تاشییردی و کته موترلرده چمهسی 50 کیشی جای قیلینردی.»
عبیدالله گه کوره، ایراندن ترکیه تامان یول آلیشگن، بیراق اوشبو اوزاق یولده همراهلریدن نیچه کیشی سفر قیینچیلیکلری باعث، جان بیرگنلر.
عبیدالله نینگ ایتیشیچه، ترکیه دن بلغاریا بارگن چاغلریده ایکی عایله هم اولر بیلن بیرگه ایکن. عبیدالله و دوستلری مذکور عایلهلر بیلن بیرگه بولگنلری اوچون یول جریانیده راحت و آز اذیت بولیشلری اوچون توشونگنلر. بیراق قضیه بوتونلهی عکسینچه یوز بیرگن.
عبیدالله و همراهلری بلغاریا اورمانلریدن چیقق بیرچاغده، عایلهلری بیلن بیرگه بولگن یاش بالهلر تلیفونلری و باشقه ملزمهلرینی عیاللرگه بیریشگن. مقصدلری ایسه بلغاریا پولیسی اولرنینگ بدنلرینی تیکشیرمهسی بولگن، لیکن بلغاریا پولیس کوچلری عیاللرگه حرمت قیلمسدن عیاللرنینگ بدنلرینی تیکشیریب و تلیفونلرنی آست کییملریدن چیقاریشگن. عبیدالله گه کوره، اوندهی بیر حالت نی او و کاروان نینگ باشقه ایرککلری یالغیز کورردی و قوللریدن هیچ ایش کیلمس ایدی و بو ایسه عبیدالله سفری جریانیده کورگن اینگ اچیق صحنه بولگن.
قاچاق یولینی آلگن کاروانلر 50 دن 150 کیشی گچه بولگن و یوللاوچیلردن هر بیری یول جریانیده بیران قیینچیلیککه دوچ کیلگن صورتده، قاچاقچی آرقهلی کاروان اجرهتیلیب اورمان و چوللرگه تاپشیریلگن.
عبیدالله نیچه چیگره و نیچه مملکت دن اوتگنیدن سونگ، آلمان گه ییتیشگن؛ رویاسیده بولگن مملکت ده باشپناه ایزلهگن. عبیدالله نینگ دوستلریدن بیرقطاری، باشپناه ایزلاوچیلرنینگ اردوگاهلریده نیچه آی نی اوتکزگنلریدن سونگ، روحی و عصبی قیینچیلیکلرگه چالینیب و ینه-ده افغانستان گه قیتیشگن، بیراق عبیدالله نیچه آیلیک چیککن زحمتی نتیجهسیز قالیشینی ایستمهگن. او، اردوگاه ده بولگن بوتون قیینچیلیکلر، آچلیکلر، سووسیزلیکلر و تقدیرسیزلیک نی جانی گه ساتیب آلیب و ایستهگن نتیجهسیگه ایریشیش اوچون سعی و حرکت قیلگن.
عبیدالله ایکی آی نی اردوگاه ده اوتکزگن؛ یوزدن آرتیق کیشی جای بولمهیدیگن اردوگاه ده ایریم پیتلر بیر مینگ کیشی جای قیلینگن.
ایکی آیدن سونگ، عبیدالله و دوستلریدن بیرقطاری، آلتی آی نی اردوگاه یقینیده بولگن بیر هُتل ده اوتکزگن و خذمتلری هم بیر آز یخشی ایکن، شانسی اوزون سورمهی عبیدالله و دوستلری نینگ بخت و اقبالی ینه-ده اردوگاه گه تارتگن.
عبیدالله بیر یریم ییل نی تقدیرسیزلیکده اوتکزگنیدن سونگ، مصاحبه نوبتی ییتیشگن. اونینگ ایتیشیچه، مصاحبهنی اوتکزگنیدن سونگ، یورهگیده امید توغیلگن و آلمان دولتی تامانیدن باشپناه ایزلاوچی صفتیده قبول بولیشی خصوصیده، امید بیلدیرگن، بیراق باشقه بیر یریم ییل کوتگن و نهایت ده کونلردن بیر کون مصاحبهده مؤفق بولمهگن خبری کیلگن و باشقه آلمانده قاله آلمهسی بیلدیریلگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتینینگ مهاجرلر قاچاقی و انسان قاچاقیگه قرشی کورهش یوکسک کمیسیونی تامانیدن تیارلنیب و تصدیقلنگن.
اوشبو میکانیسمدن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچیلرنی تانیب قضایی ادارهلریگه تانیشتیریب (2017- ییل مصوبهسی) انسان قاچاقی گه قرشی کورهش قانونی اساسیده، دولت و دنیاجماعهچیلیگیگه یولچیلیک قیلیش بولگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ 8- مادهسی و اوچینچی بندی ده بوندهی دییلگن:
- حج و اوقاف و ارشاد وزیرلیگینینگ مسؤولیتی، انسان قاچاقی و مهاجرلر قاچاقینینگ جنایتلری توغریسیده معلومات بیریلیشی اوچون اماملر و خطیبلر آرقهلی مسجدلر و تکیهخانهلرده دواملی برنامهلر یولگه قوییب و شونینگدیک، زیان کورگنلر اوچون حمایهوی مرکزلر قوریش دیر.
- شونینگدیک، حج و اوقاف و ارشاد وزیرلیگی، دین عالملرینینگ شرعی توشونچهلرینی توزیب و تیارلب و مالی و تخنیکی امکانیتلرنی نظرگه آلیب انسان قاچاقی و مهاجرلر قاچاقی آلدی آلینیشی اوچون سعی و حرکت قیلیشی کیرهک.
عبیدالله 27 یاشرلیگیده آلمان باریش اوچون اراده قیلگن، بیراق 4 ییلدن سونگ، هیچقندی یوتوقلیککه قول تاپمسدن مملکتگه قیتیب کیلگن. او حاضرده کابلده حیات کیچیرهدی و ایش تاپیش اوچون سعی و حرکت قیلهدی. اونینگ ایتیشیچه، قاچاقچیلر آلمانگه آلیب باریش خصوصیده اونگه ایشانچ بیرگن، بیراق او یمان وضعیتلردن حیاتگه قالگنیدن خرسند دیر.
مهاجرلر وزیرلیگی سوزلاوچیسی عبدالباسط انصاری نینگ ایتیشیچه، 2019- ییل باشلنگنیدن حاضرگچه 270 مینگ مهاجر زوردن یا-ده اوز ایستهگی اساسیده مملکتگه قیتیب کیلگن.
اونینگ ایتیشیچه، مهاجرلر وزیرلیگی، خلق ارا قاچقینلیک سازمانی و ترکیه مملکتی آرهسیده امضا ایتیلگن شرطنامهگه کوره، زوردن مملکتده قیتهریلگن کیشیلر، حجتلرینی افغانستان نینگ تیگیشلی بولگن مملکتلرده بولگن قنسول گرلیگیگه تاپشیره آلهدی و تیکشیریلگنیدن سونگ، حجتلری تکمیل بولمهگن صورتده، مملکت ده قیتهریلهدیلر.
مهاجرلر وزیرلیگی سوزلاوچیسی نینگ ایتیشیچه، قیتیب کیلهدیگن هربیر کیشیگه یول کرایهسی اوچون 12 مینگ افغانی بیریلهدی و مملکتده قیتیب کیلهدیگن مهاجرلردن 5 – 7% تخنیکی و مسلکی بولیملرگه تعلیم کورگن و اولر ایشگه شامل بولهدیلر.
