غور ولایتی تومنلریدن بیرقطارینینگ محکمهلری، مذکور ولایت مرکزی فیروزکو شهریده انتقال بیریلگنی اوشبو ولایت یشاوچیلرینینگ تنقیدلری بیلن دوچ کیلگن.
غور یشاوچیلریدن بیرقطارینینگ ایتیشیچه، اوشبو ایش تومنلر یشاوچیلرینینگ حقوقی و جزای دوسیهلرینی حل قیلیش اوچون دولت گه قرشی گروهلر و یا-ده محل آقسقال لریگه مراجعت قیلیشی گه سبب بولهدی.
اولرنینگ ایتیشیچه، ناتوغری فرهنگلر، ناتیینچلیک و تومنلرنی مرکزدن فاصلهسی کوپ بولگنی سبب اولر دولتی محکمه لرگه قول تاپهآلمیدی.
اولر، محلی رسمیلر و مرکزی حکومت دن تومنلرده محکمه لر تیینچلیگی نی تامینلب اوشبو قینچیلیک نی حل قیلیش نی سوریدیلر.
غور ولایت کینگشی اورین باسری عبدالرحمان عطشاننینگ بو توغریده تنقید قیلیب ایتیشیچه، حکومت مسووللرینینگ بو اقدامی اهالینینگ دولت دن فاصله آلیشیگه سبب بولهدی.
بیراق غور حاکمینینگ سوزلاوچیسی عبدالحی خطیبینینگ ایتیشیچه، بیرقطار تومنلرنینگ بیرینچی محکمهلرینینگ دفتری امنیتی تهدیدلر سبب اوشبو ولایت مرکزیده انتقال بیریلدی و مذکور محکمهلرگه تیگشلی بولگن دوسیهلر مرکزدن تیکشیریلهدی.
جناب خطیبی گه کوره، امنیتی وضعیت لر یخشیلنیشی بیلن، مذکور محکمه لرنینگ ایشلاوچیلری قیتهدن تومنلرگه یوباریلهدی.
اوشبو توغریده غور استناف محکمه رسمیلرینینگ فکری نی آلیش اوچون سعی و حرکت قیلدیک بیراق صحبت قیلیش گه تیار بولمهدیلر.
نیچه پیت آلدن غور ولایتی تیوره تومنینینگ محکمه قاضی، اوشبو تومن دن اوی تامان بارهدیگن بیرچاغده یول مسیریده طالبان تاماندن اولدیریلگن بیرحالده مذکور ولایت بیرقطاری تومنلرینینگ بیرینچی محکمهلری مرکزگه انتقال بیریلهدی.
