اجتماعی ایشلر وزیرلیگینینگ مسووللری، 1398- ییلده 20 باغچه و بالهلردن حمایت قیلووچی 7 مرکز قوریلیشی دن خبر بیرگن.
بوگون "یکشنبه" اجتماعی ایشلر وزیری فیضالله ذکینینگ بالهلردن حمایت قیلووچی مصلحتی بیر ییغینده ایتیشیچه، مملکتده بالهلردن حمایت قیلووچی 400 دن آرتیق قوریلمه موجود بولگن حالده هم، بالهلر برابریده بولگن قیینچیلیکلر حل بولمهگن و کوپ قطار بالهلر اساسی حقلریدن هم محروم قالگن.
80 دن آرتیق دولتی و دولتی بولمهگن قوریلمهلر اوشبو ییغینده اشتراک قیلگن.
جناب ذکی گه کوره، ایش قیلهدیگن بالهلر خصوصیده بیللی ارقام قولگه یوق، بیراق تحقیقاتلرگه کوره، 3.7 میلیون باله مکتبدن محروم قالگن.
اجتماعی ایشلر وزیرینینگ ایتیشیچه، ییترلیچه آذیق-آوقت یوقلیگی، کم بغللیک، توییب آوقت لنمسلیک، قاچقینلیک، بدرغهلیک و بنگیلیک مملکت بالهلرینینگ اساسی قیینچیلیکلریدن سنلهدی. جناب ذکی گه کوره، حاضرده 56 بالهلر باغچهسی و بالهلردن حمایت قیلووچی 30 مرکز فعالیت قیلهدی.
افغانستان بویچه یونیسفنینگ نمایندهسی استیفانو ساوینینگ ایتیشیچه، بالهلردن حمایت قیلووچی قوریلمهلرنینگ هماهنگلیگ اساسیگه فعالیت قیلیشی کیرهک.
جناب ساوینینگ ایتیشیچه، بالهلر وضعیتینی یخشیلنتیریش اوچون بیرینچیدن اولرگه یشش مرکز قوریب و اوندن سونگ بالهلرنی کوچلی قیلیش کیرهک. اونینگ ایتیشیچه، بالهلرنینگ سوزلریگه دقت قیلیب و اولرنینگ فکرلرینی بویوکلر بیلن شریک قیلیش اونملی دیر.
