کابلده قوشمه خبری بیر ییغین اوتکزگن ایچکی ایشلر وزیرلیگی و یشش محیطنی سقلش ملی اداره مسؤوللرینینگ ایتیشیچه، کابل هواسینینگ دغللیگی کمهییشی اوچون دود چیقرهدیگن 2385 نقلیه واسطه توختهتیلگن.
یشش محیطنی سقلش ملی اداره باشلیغی شاهزمان میوندینینگ ایتیشیچه، مذکور ادارهنینگ قیشگی عملیات ریجهسی عملگه آشیریلیش دوامیده، 2 مینگ جمعه نمازی خطبهسی آرقهلی یشش محیط پیاملری تبلیغ ایتیلگن.
میوندی گه کوره، اوتگن بیر یریم آی ایچیده 124 حمام، 287 رستورانت، 287 توی خانه، 9 چومیلیش حوض، 3 شهرچه، 7 کسلخانه، 387 سقابه و 47 بلند منزل تیکشیریلگن و بولردن 157 تهسی باغلنگن، 320 تهسی وعده بیریب و 181 تهسی قیته تیکشیریش رویخطی گه قرار تاپگن.
شو توغریده:
- هوا دغللیگی باعث، بیر شهرده 56 مینگ باله کسل بولگن
باشکینت هواسینی دغل قیلهدیگنلر تانیلیب و جریمه بولهدیلر
قیش موسومیده هوا دغللیگینی کمهیتیریش اجرایی لایحه اعلان ایتیلدی
ایچکی ایشلر وزیرلیگینینگ پالیسی معینیتی نی اورینباسری شاهولی صافینینگ ایتیشیچه، یشش محیط نینگ اویغونلیگی بیلن باشکینت بوییچه 2 مینگ دود چیقرهدیگن موترنی توختهتگنلر.
یشش محیطنی سقلش ملی اداره مسئولرینینگ ایتیشلریچه، کیلهسی یقیین کونلرده کابلده هوا دغللیگی بیلن کورهشیش اوچون عمومی حشر یولگه قویهدیلر.
