غزنی ولایتینینگ بیلیم یورتی ینه مکتبلریدن یوزلب کیشی فارغ بولیشیگه قرهمی، اما هنوز هم بو قتلم دولت ادارهلریده کم دن کم کورینهدی. فعال عیاللرگه کوره، غزنی ولایتینینگ عیاللری اوزلریده بولگن قابلیت و بیلیملری بیلن دولت ادارهلریده ایش قیلیشگه قیزیقه دیلر، لیکن، دولت ادارهلریدهگی جنسی زوروانلیکلر عیاللر اوچون ییریک توسیق سنهلهدی.
غزنی ولایتینینگ فعال عیاللریدن زین العربنینگ سلاموطندارگه ایتیشیچه، تحصیل آلگن کوپچیلیک قیزلر خانهدانلری تمانیدن دولت ادارهلریده ایش قیلیش اوچون ترغیب بوله دیلر، بیراق دولت ادارهلریدهگی اخلاقی معمالرنی قیزلر اوز آبرولرینی توکمسلیک اوچون حکومت ادارهلریگه کیریب ایش قیلیشنی یاقتیرمیدیلر.
خانیم زینالعرب گه کوره، کوپینچه قیزلر ادارهلری مسووللری تامانیدن سلبی ایستکلریگه جواب بیرمهگن لیکلری باعث ایشلریدن استعفا بیرگن لر. غزنی ولایتی کینگش ادارهسیدن مثال کیلتیریشگن خانم زینالعرب، اوشبو اداره ده وظیفه بجره دیگن قیزلردن بیری ولایت کینگشی اعضالری تامانیدن ایریم اخلاق مسالهلر تیلگه آلینگندن کیین ایشنی ترک قیلیش گه مجبور بولگن.
غزنی ولایت کینگشی ادارهسینینگ نمایندهسی فاطمه رحیمی نینگ ایتشیچه، اداری فساد یانیده، اخلاق فساد هم قیزلر ادارهلرگه کیریب ایش قیمسلیکلری اچون ییریک معما سنه لهدی. مذکور عیالنینگ سوزلریگه کوره، عیاللر مالی مستقللیک همده سیاسی علاقهلری بولمه گنلیگی باعث ریاست، مدیریت و آمریت بولیملریگه یول تاپه آلمیدیلر.
غزنی ولایت خاتین ایشلری بوییچه باشلیغی شکریه ولی، اجتماعی همده فرهنگی قیینچیلیکلر دولت ادارهلریده خاتین – قیزلر حضوری کم بولگنلیگی بارهسیده تاکیدلهگن. خانم ولینینگ سوزلریگه قرهگنده، اداره لرگه اصلاحات کیرتیش اوچون سیناو آله دیگن هیاتلرنینگ بیر اعضاسی صفتیده هر دایم قیزلر حق حقوقی تامین ایتلیشی سعی وحرکت قیلهدی.
خانم ولی، قیز و خاتین کوپراق عیاللر تامانیدن باشقریله دیگن ادارهلرده ایش قیلیشنی کوپراق یاقتیره دیلر دیگن. شونینگ دیک خانم ولی، هنوزگچه دولت ادارهلریده خاتین – قیزلر جنسی اذیت ایتیلگن لیکلری توغریسیده معین شکایت رویخطگه آلینمهگن لیگی سبب، بو معما حقیده بیرار نرسه تیلگه آلمهگن.
فعال عیاللر اداری فساد یانیده، نابرقرارلیک، نا مناسب عرف و عادتلر، اخلاقی فساد و دولت ادارهلریدهگی جنسی اذیت مملکتنینگ اساسی قتلیمی بولیش عیاللر پیکریگه ییریک زیان ییتکزهدی دیگن.
