.png)
بغلان قتناو یولیدهگی اعتراضچیلردن قطارینینگ ایتیشیچه، حکومت اولرنینگ قیینچلیگی نی ییچیش خصوصیده سوز بیرگن ایدی. مذکور اعتراضچیلر حکومتدن بغلان آوزای قیتهدن سنهلیشی، سابق ولایتی کینگش اورین باسری محبوبالله غفاری قوییب یوباریلیشی و امنیتی کوچلر تامانیدن اعتراضچیلرنینگ اوستیگه آتیلگن اوقلرنینگ تیکشیریلیشی نی سورهگن ایدیلر.
اوشبو ناراضلیک نمایش نی یولگه قویگنلردن بیریسی ذبیحالله رستمینینگ ایتیشیچه، حکومتی هیأت بغلان آوازی قیتهدن سنهلیشی اوچون خاص محکمه قوریلیب و جناب غفاری ضمانت بیلن قوییب یوباریلشی توغریسیده سوز بیرگن ایدی.
سلاموطندارگه صحبت بیرگن بغلان حاکمی سوزلاوچیسی محمود حقمل نینگ ایتیشیچه، حکومتی هیأت و اعتراضچیلرنینگ کیلیشگنیدن کیین بوگون ایرتهلب کابل-شمال قتناو یولی ترافیک یوزیگه آچیلدی.
اوشبو هیأتلردن بیریسی محمدجان عزیزنینگ ایتیشیچه، قانون اساسیده بولرنینگ ایستکلرینی حل قیلهدیلر.
بغلان ولایتی کینگشی نینگ سابق اورین باسری محبوبالله غفاری نینگ طرفدارلرینی آگاهلنتیریشیچه، حکومت اعتراضچیلرنینگ ایستگی نی نظرگه آلمهگن صورتده، اولر قیتهدن ناراضلیک نمایش یولگه قویهدیلر.
بیراق بغلان ولایتی نینگ قطاری یشاوچیلری محبوبالله غفاری نینگ قتل، اوغیرلاوچیلیک، اختطاف، جنسی زورلش و اهالینینگ آزارلنتیریشی گه عیبلب و اوشبو عیبلاولرنی تیکشیریلیشی نی سورهگنلر.
سلاموطندارگه ییتیشگن حجتلرنینگ کورستیشیچه، جناب غفاری بغلان محلی حکومتی تامانیدن قتل، اوغیرلاوچیلیک و اهالی نینگ آزارلنتیریش گه عیبلنگن.
اوشبو حجتلرنینگ کورستیشیچه، بغلان ولایتی نینگ قارالاوچیلیگی نی مذکور ولایت پولیس قومندانلیگی عنوانیده رقمی 2790/ 1645 تاریخ 4/8/1396 رسمی نامهسی اساسیده، جناب غفاری نینگ قیلگن جنایتلرینی رویخطی یانیده، شونینگیدک مذکور ادارهدن بو توغریده بغلان قارلاوچیلیگی ریاستیده باشقه حجتلرنینگ یوباریشی نی سورهگن.
شو توغریده:
اوشبو حجتلر اساسیده، جناب محبوبالله غفاری و اونینگ آدملری تامانیدن قیلینگن جنایتلر 20 حادثه گه ییتیشهدی و اولرگه 10 قتل حادثهسی، 2 اختطاف و جنسی زورلش حادثهسی، 5 کلتکلش حادثهسی، «سمرقندی» قیشلاقی یشاوچیلری بیلن قوراللی آتیشمه، ییر غصب ایتیشی و بیر یاردمچی اداره نینگ 2750 بوجی اونی نی اوباشیمچه و زودن ترقهتیشی شامل دیر.
مذکور حجتلرگه کیلیشیچه، 1396- ییل گه مملکت باش قارالاوچیلیگی تامانیدن بغلان ولایتی کینگشی نینگ سابق اورین باسری و اونینگ آدملری تامانیدن قیلینگن جنایتلرنی تیکشیریش اوچون مذکور ولایتده هیأت بارگن ایدی، قطار مسئول ادارهلر قورقیش و قطار دلیل باعث مذکور کیشی تامانیدن قیلینگن جرملرنی افشا ایتیشدن واز کیچگنلر.
بغلان یشاوچیلریدن عزیزالرحمان سخیزاده، بیر عایله اعضاسی محبوبالله غفاری تامانیدن اولدیریلگن دیدی. او، کابلده قطار بیللی کیشیلرنی اوشبو ولایتیدگی مذهبی و قومی تارتیشوولرگه عیبلب کوپهیتیریشیچه، اوشبو کیشیلر غفاریدن مدافعه قیلیش اوچون حرکت قیلهدیلر.
محبوبالله غفاری نینگ طرفدارلری اونینگ بیقیدوشرط قوییب یوباریلیشی اوستیگه اورغولگن بیر چاغده، بیراق بغلان ولایتی نینگ خوست، فرنگ و گذرگاه تومنی یشاوچیلرینینگ ایتیشیچه، جناب غفاری نینگ اوشبو ولایتدگی قطار جنایتلرگه قولی بار و مذکور کیشی نینگ جزالنتیریلیشی نی سورهگنلر.
ایتیش کیرهک کیم، کابل-شمال قتناو یولی بیر هفته آلدین بغلان نمایندهلر کینگشی سیلاوی نتیجهسی اعلام ایتیلگنی و اعتراضچی نامزدلردن محبوبالله غفاری نینگ قولگه آلینگنیدن کیین یولاوچیلر یوزیگه باغلندی.
