.jpg)
کابل و کوچیلر حوزهسی سیلاوینینگ دستلبکی نتیجهسی دوشنبه کونی سیلاولر ایرکین کمیسیونی تامانیدن اعلان ایتیلدی.
سیلاو دستلبکی نیتجهسینینگ اعلان ایتیلیشیدن سونگ، شکایتلرینی رویخط گه بیریش اوچون سیلاو نامزدلریگه 48 ساعت وقت بیریلهدی، بیراق سیلاولر شکایتلرینی تینگلش کمیسیونی بو مدتنی اوتگن کیچه ساعت 10 گهقدر تمدید قیلگن.
سیلاولر شکایتلرینی تینگلش کمیسیونینی سوزلاوچیسی علیرضا روحانینینگ سلاموطندارگه ایتیشیچه، کابل و کوچیلر حوزهسی سیلاویدن حاضرگهقدر 1 مینگ شکایت رویخطکه آلینگن و مذکور شکایتلر جدی شکلده تیکشیریلهدی.
سلاموطندارگه صحبت بیرگن افغانستان بوییچه عدالتلی و شفاف سیلاو ادارهسی یا-ده (فیفا) اجراییه باشلیغی یوسف رسیدنینگ ایتیشیچه، کابل و کوچیلر سیلاوینینگ آوازلرینی دستلبکی نتیجهلری خصوصیده سیلاولر شکایتلرینی تینگلش کمیسیونینینگ حرکتی «سوراق توغدیرهدی.» جناب رشیدگه کوره، سیلاولر شکایتلرینی تینگلش کمیسیونینینگ موضوعی اوزگریشی و نظارتچی ادارهلرنینگ برابریده سیلاولر کمیسیونینینگ حرکتی مسلکسیزلیکنی کورستهدی. جناب رشیدنینگ کوپهیتیریشیچه، سیلاولر شکایتلرینی تینگلش کمیسیونی شکایتلر بیلن جدی و دقیق شکلده یاندهشیشی کیرهک.
نظارتچی ادارهلرگه کوره، کابل و کوچیلر سیلاوینینگ دستلبکی نتیجهسینینگ اعلان ایتیلیشی سیلاولر شکایتلرینی تینگلش کمیسیونینینگ حقوقی حالتینی سوراققه دوچ قیلهدی.
.jpg)
کابل حوزهسی سیلاوینینگ اعتراضچی نامزدلریدن بیری هارون معترفنینگ ایتیشیچه، کابل حوزهسینینگ آوازلرینی سیلاولر شکایتلرینی تینگلش کمیسیونی تامانیدن باطل اعلان ایتیلیشی کیرهک، چونکه کابل سیلاویده کینگی شکلده ساختهکارلیک صورت تاپگن.
سیلاولر شکایتلرینی تینگلش کمیسیونی بوندن آلدین کابل آوازلرینی بوتونلی صورتده، باطل اعلان قیلگن ایدی، بیراق سیلاولر ایرکین کمیسیونی بو حرکتگه قرشی کیلیب و نتیجهده جمهورلیک ریاستی ایکینچی اورین باسری سرور دانشنینگ دخالتی بیلن بو قرار لغو ایتیلدی.
کابل و کوچیلر حوزهسینینگ دستلبکی نتیجهسی قطار نامزدلرنینگ جدی قرشیلیگی بیلن روپهره بولگن و اعتراضچی نامزدلر سیلاولر کمیسیونیگه کینگ شکلده فساد بولگنینی ادعا قیلگنلر.
