.jpg)
قندوزده ایکی یاش ییگیت سوت ساتووچی 7 یاشر قیزنی اویگه آلیب کیلیب و جنسی زورلگنلریدن کیین اونی اولدیرهدیلر. مذکور یاشلردن بیرینینگ آتهسی قضیهدن خبر بولیب و اسماء نینگ جسدینی دینگیزگه تشلهیدی.
اوشبو واقعه 17- جوزا، قندوزنینگ خانآباد تومنیده یوز بیرگن و 7 یاشر اسماء آتلی قیزنینگ عایلهسی اوچ کون قیزنی کسلخانهلرگه آخترهدی، بیراق گودکلریدن هیچ بیر نشانه تاپمهیدیلر و نتیجهده اسماء آتهسینینگ توشیگه کیرهدی و آتهسیگه ایتهدی کیم، قوشنیلرینینگ اوغیللری اونینگ اوستیگه جنسی زورلب و جسدینی دینگیزگه تشلهگنلر.
اوشبو گودکنی آتهسینینگ ایتیشیچه، کیچهنی کوندوز قیلمهی قیزی توشیگه ایتگن ییرگه بارهدی و اسماء نینگ جسدینی او ییردن تاپهدی.
.jpg)
قندوز ولایتینینگ پولیس قومندانی حمید حمیدینینگ ایتیشیچه، اوشبو گودک قتل ایتیلگنیدن آلدین جنسی زورلنگنی داکتر آرقهلی اثباتلنگن.
حمیدیگه کوره، اسماء نینگ جسدی قتل ایتیلگنیدن کیین بوجیگه تشلهنیب دینگیزگه آتیلگن.
اسماء نینگ آتهسی رحیمشاه، خانآباد تومنینینگ کهنهقلعه قیشلاقلرینینگ مکتبلریدن بیریده درس بیرهدی. او، مسؤول ادارهلردن قیزینینگ قتلی توغریسیده عدالت عملگه آشیریلیشینی طلب قیلهدی.
