فسادگه قرشی کورهش و تینچلیک ترقیاتینی تورتینچی ییغینیده افغانستان قیته قوریلیشی خصوصیده امریکانینگ خاص نمایندهسینی ایتیشیچه، افغانستان گه بیریلگن یاردملر سیلاولر کمپاینلریده صرف ایتیلمهسی کیرهک.
اوشبو ییغین بوگون کابلده اروپا بیریلیگی ابتکاری بیلن یولگه قوییلگن.
افغانستان سیلاولر کمیسیونینینگ معلوم قیلیشیچه، نمایندهلر کینگشی و تومنلر کینگشی سیلاولری کمیده اوچ ییل آرتده قالدیریلیب بو ییل 28- میزان ده یولگه قوییلهدی. افغانستان قانونی اساسیده، نمایندهلر کینگشی سیلاوی قویاش 1394- ییل، ثور یا-ده جوزا آییده یولگه قوییلیشی کیرهک ایدی. بیراق دولت تعیین ایتیلگن زمانده سیلاونی یولگه قویه آلمهدی.
اوشبو ییغینده افغانستان قیته قوریلیشی اوچون امریکانینگ خاص نمایندهسی جان ساپکونینگ ایتیشیچه، افغانستانده اوروش دوامی اوچون فساد یاردم بیرهدی و بو مملکتده تینچلیک تأمینلنیشی گه توسیق بولهدی.
جناب ساپکوگه کوره، افغانستانده فساد آلدی آلینیشی اوچون کوپلب سعی و حرکت قیلینگن، بیراق بو سعی و حرکتلرگه قوشیمچه مملکتده سرمایه یاتقزیش و ایش گه فرصتلر یرهتیلیشی کیرهک. سیلاولر توغریسیده افغانستان قیته قوریلیشی اوچون امریکانینگ خاص نمایندهسینی ایتیشیچه، افغانستان اهالیسی تنیق سیلاو یولگه قوییلیشیگه ایشانیشی لازم.
شونینگدیک، اوشبو ییغینده افغانستان بوییچه اروپا بیرلیگی ایلچیسی پییر مایدون، اداری فسادگه قرشی کورهش خصوصیده، حکومت ایشلریدن آلقیشلب و فسادگه قرشی کورهش و تینچلیک ترقیاتی توغریسیدهگی تورتینچی ییغیننی افغانستانده فسادگه قرشی کورهش اوچون یخشی بیر فرصت دیب بیلهدی.
اوشبو ییغینده مملکت جمهور رییسی محمداشرف غنینینگ ایتیشیچه، افغانستانده فسادگه قرشی کورهش خصوصیده، دنیا جماعهچیلیگی یاردملریگه دوام بیریشی کیرهک و افغانستان فسادگه قرشی جدی شکلده کورهشهدی. جناب غنینینگ ایتیشیچه، حکومت فسادگه قرشی کورهش توغریسیده جدی آدیملر کوترگن؛ لیکن حاضرگچه قیینچیلیکلر موجود دیر.
کابلده یولگه قوییلگن فسادگه قرشی کورهش و تینچلیک ترقیاتی توغریسیدهگی تورتینچی ییغین، جاری ییل ژنو ده افغانستان گه یاردم بیرووچی مملکتلر آرهسیده قوشمه ییغین اوتکزیلیشی توغریسیده قرار قیلینگن بیرچاغده یولگه قوییلگن.
