سلاموطندارگه صحبت بیرگن فراه ولایت کینگشی اورین باسری شاهمحمود نعیمینینگ ایتیشیچه، اوتگن کون قطر عربلری مینیلگن بیر اوچاق دوحهدن توغری اوچیب فراه ولایتینینگ هوا قونالغهسیده قونگن.
نعیمی گه کوره، هر ییل قیش موسومیده قطر عربلریدن بیرقطاری، فراه ده یولگه قویگن ایریم پروژهلرنی تیکشیریش و آو قیلیش اوچون بو ولایت گه کیلهدیلر.
اونینگ ایتیشیچه، اوتمیشلرده مذکور کیشیلرنینگ اوچاغی فراه هوا قونالغهسی معیاری بولمهگنی باعث، بیرینچیدن کابلده قونیب و اوندن سونگ، مسافرلری ایچکی اوچاقلر بیلن فراه ولایتیگه کیلر ایکن.
فراه ولایتی کینگش اورین باسرینینگ کوپهیتیریشیچه، اوشبو ولایت هوا قونالغهسی عربلرنینگ همکارلیکی اساسیگه معیاری شکلده توزهلگن و حاضرده اولر قطر دن توغری اوچیب فراه هوا قونالغهسیده قونهدی.
ولایت کینگشی اوشبو اعضاسیگه کوره، عربلر فراه ولایتینینگ هوا قونالغهسیگه کمیده 3 میلیون دالر هزینه قیلگنلر.
اونینگ ایتیشیچه، مذکور کیشیلر فراه شهریدن 40 کیلومتر اوزاقده بولگن بیر اورمانده مدتلرچه حیات کیچیرهدیلر.
فراه ولایت کینگشی اعضالریدن باشقه بیری خیرمحمد نورزایی نینگ ایتیشیچه، افغانستان حکومتی بیلن هماهنگلیک بولمهگن بیرحالده، قطریلیک عربلرنینگ اوچاقی قراه هوا قونالغهسیده قونگن.
بو توغریده فراه محلی مسووللرینینگ توشونچهسینی آلیش اوچون سعی و حرکت قیلدیک؛ بیراق محلی مسووللر صحبت قیلیش تیار بولمهدیلر.
