تخار ولایتی نینگ رستاق تومنیده نظیفه ناملی 17 یاشر بیرعیال تورموش اورتاغی (اِیری) تامانیدن فاجعهلی شکلده اولدیریلگن.
نظیفه نینگ سینگیلیسی حکیمهنی سلاموطندارگه ایتیشیچه، سینگیلیسی اوتگن "شنبه" کونی فرید ناملی تورموش اورتاغی (اِیری) تامانیدن اوققه توتیلگن.
حکیمه نینگ تاکید قیلیشیچه، نظیفه بیرینچیدن تورموش اورتاغی (اِیری) تامانیدن کلتکلنگن و اوندن سونگ، اوق آرقهلی اولدیریلگن.
کیملیگی سیرقالیشنی ایستهگن محلی بیر منبع نینگ ایتیشیچه، فرید نی آتهسی ناقانونی قوراللی قومندانلردن دیر. منبعگه کوره، فرید تورموش اورتاغی (خاتینی) نی اولدیرگنیدن سونگ، محلدن قاچیب کیتگن.
عینحالده، تخار حاکمی سوزلاوچیسی جواد هجری نینگ بو واقعهنی تصدیقلب سلاموطندارگه ایتیشیچه، مذکور عیال نینگ قاتلینی قولگه آلیب قانونگه تاپشیریلیشی اوچون مسوول نهادلرگه بویروغ بیریلگن.
تخار ولایتی نینگ رستاق تومنی یشاوچیلری ناقانونی قوراللی کیشیلرنینگ ناقانونی حرکتلریدن تنقید قیلیب و حکومتدن بوتوغریده دقت قیلیشینی سورهگنلر.
