تخار ولایتیده بیر مکتبنینگ مدیری، بیر قیزنی جنسی زورلهگن
22 یاشلی یخشیگل اوتگن هفته تخارده گروهی جنسی روزلنگندی. اما، تخار محلی رسمیلری، اوشبو حادثهنی عاموی اخبارات واسطه لری نظریدن سیر سقله گن. سلام وطندار خبرچیسی کلفگان تومنی قرهتوی قیشلاغینینگ یشاووچیسی، یخشیگل بیلن صحبت قیلیشگه موفق بولدی.
یخشیگلنینگ حکایه قیلیشیچه، مکتب مدیری محمود حیدرینینگ کیشیلری اونی کلفگان تومنی یولیدن اوغیرلب زهرلنتروچی دارو بیرگنلر. یخشی گل بدخشان نینک کشم تومنی بیلن چیرگه داش چنار کنچکان قیشلاغیگه آلیب باره دیگن کیچه جنسی تجاوز ایتیلگن لیگینی تیله آلگن.
لیکن یخشیگل نینگ سوزلریگه کوره، محمود حیدرینینگ کیشیلری تمانیدن زهرلنتیروچی دارو بیریلگن دن سونگ، نیچه مرته جنسی تجاوز قیلینگنی همده نیچه کیشی تجاوز ایتگن لیگینی بیلمهگن.
یخشی گل کیچهنی اوتکزگندن سونگ محمود تامانیدن پولیسنینگ عسکری بولیمش دُر محمد گه اونی 500 افغانی بیریش بیلن اوییگه ییتکزیشنی سورهیدی. یخشیگل پولیس تامانیدن قیشلاققه ییتکزیلگندن سونگ داد فریاد قیلیشی بیلن پولیس اهالی تامانیدن قولگه آلینهدی.
محمود حیدری، کلفگان ولسواللیگی ابولحسن خرقانی مرکزی لیسهسی نینگ مدیری. او، سابق جهادی قوماندانلردن بولمیش ضابت حیدرینینگ اوغلی ایکنی ایتیلهدی. اونگه کوره، محمد حیدری حاضر کلفگان و تخار ولایت مرکزی تالقاندن ایرکین باریب کیلهدی.
یخشیگل نینگ سلاموسلام وطندارگه ایتیشیچه، خانهدانی مساله اوچون حکومتگه نیچه مرته مراجعه قیلگنی گه قرهمی، هنوز حکومت محمود حیدریدن آرقه داشلیک قیلگن.
تخار ولایت والیسینینگ سوزلاوچیسی سنت تیمور، یخشیگل خانهدانی قیزی گروهی شکلده جنسی تجاوز ایتیلگن لیگینی ادعا قیلگنلر دیگن. اونگه کوره، بوندن آلدین هم محل اهالیسی اوشبو مکتبنینگ مدیریدن محموددن بیر نیچه بار شکایت قیلگنلر.
سنت تیمور، محمود حیدری قاچیشگه موفق بولگن، اونی قولگه آلیش اوچون پولیس تیارگاو باشلهگن لیگینی تیلگه آلگن.
بوندن آلدین هم مذکور ولسواللیکنینگ زدر آلو قیشلاغیده بیر قیز ملا تامانیدن جنسی زورلنگن ایدی، اما هنوز گچه اوشبو قیزنینگ دوسیه تیکشیریلمهگن.
