.jpg)
اوشبو قضیه اوتگن دوشنبه کونی پروان ولایتی نینگ پولیسی ایکی 10 و 12 یاشر اوغیل بالهنی «جنسی علاقه» گه عیبلب قولگه آلگنیدن کیین باشلنگن.
مذکور ایکی باله سیناو اوچون حقوقی طب گه یوباریلگن، بیراق بو بالهلرنی بیری نینگ عایلهسی «تجاوزکار باله» نینگ اویی گه هجوم قیلگن.
سلاموطندارگه صحبت بیرگن امنیتی بیر منبع نینگ ایتیشیچه، بو عایلهنی اعضالری، جوده هم غضبلنیب «تجاوزکار باله» نینگ اویی گه هجوم قیلیب، اوی، اوچ اسکواتور موتر، بیر کوماز موتر و بیر یوک تاشیووچی موترنی اوتگه یاندیرگن.
اوشبو واقعه پروان ولایتی نینگ بگرام تومنی قلعهیوزباشی منطقهسیده یوز بیرگن.
.jpg)
منبع نینگ کوپهیتیریشیچه، بو غضبلنیش تجاوز قضیهسیدن ایمس، بلکیم بو انتقام آلیش اوزون زماندن بولگن خصومتلرگه باغلیق بولگن.
پروان ولایتی بوییچه حقوقی طب مسؤولی مرید آرش نینگ ایتیشیچه، اولرنینگ دستلبکی تیکشیروولری نتیجهسیز بولگن و بو دوسیه مرکزی حقوقی طب گه یوباریلگن.
محلی منبع نینگ ایتیشیچه، اوشبو یانغین بیش ساعت دوام تارتگن و بیر عایله نینگ بوتون بار و یوقی نابود ایتیلگن.
