طالبلر عامه خلق آلدیده بیر عایله اعضاسی بولگن بیر عیال و اوچ ایرککنی دُره اورگن.
غور ولایتی کینگش اعضاسی عبدالرحمن عظشان نینگ سلاموطندارگه ایتیشیچه، اوتگن کون اوشبو خانهدان حقوقی قیینچیلیکلرینی حل ایتیش اوچون ولایت مرکزی فیروزکوه تامان کیلماقده ایکنلر، یولدن طالبلر اوغیرلب شیندند تومنیگه آلیب بارهدیلر.
ولایتی کینگش اعضاسیگه کوره، بوندن آلدین هم مذکور خانهدان عایلهوی جنجاللرینی حل ایتیش اوچون اولوسواللیک عدلی و قضایی نهادلریگه مراجعت قیلگن ایدی، بیراق عیال نینگ ایری طالبلر بیلن علاقهده بولگنی اوچون محکمه ایری نینگ نفعیگه فیصله قیلگن ایدی و بونی خاتینی قبول قیلمهی مرکز جونهگن ایکن.
جناب عطشان بو تورت کیشینی طالبلر 70 دُره دن اورگن دیب ادعا قیلهدی و ایتیشیچه، مذکور خانهدان غور ولایتیده یوباریلهدی.
غور ولایتی نینگ محلی رسمیلری خانهدان اوغیرلنگنینی تأیید قیلهدی، صحرایی محمکه قیلینگنلریدن خبرسیزلیگینی بیلدیرهدی. غور والیسی نینگ سوزلاوچیسی عبدالحی خطیبی، بیر عیال قوشیمچه بو تورت کیشی عایلهوی قیینچیلیکلرینی حل ایتیش اوچون ساغر تومنیدن فیروزکوه تامان بارماقده ایکنلر دیگن.
