بوگون «شنبه» هرات-قندهار قتناو یولینینگ یوک و یولاوچی تاشیووچی موترلرینینگ هیداوچیلریدن کمیده 3 مینگ تهسی موترلری بیلن هرات شهرینینگ میرداوود ایشیگی مقابلیده اعتراض بیلدیریب و بو قتناو یولنی ترافیک یوزیگه باغلهگنلر.
اعتراضچیلرنینگ ایتیشیچه، اوشبو ناراضیلیک نمایش هرات-قندهار قتناو یولیده پولیس کوچلری تامانیدن تکرارسیز باج آلینیشی گه قرشی بیلدیریلگن. اولرنینگ ایتیشیچه، بو باج آلینیشلر کوپلب فراه ولایتینینگ یولیده بولهدی.
هیداوچیلرنینگ ادعا قیلیشیچه، شکایتلرینی نیچه مرته هرات و فراه محلی مسؤوللری بیلن شریک قیلگنلر؛ بیراق حاضرگهقدر بو خصوصده چاره تدبیر کوریلمهگن.
اولرنینگ آگاهلنتیریشیچه، اوشبو قتناو یولنینگ پولیسی گه قرشی جدی یاندهشیلگونگهقدر، قتناو یول ترافیک یوزیگه آچیلمهیدی.
اعتراضچی هیداوچیلردن شیراحمد، نصرتالدین و عبدالودودنینگ ایتیشیچه، فراه بازارینی ایچیده 2 پوسته موجود و هیداوچیلردن 1-3 مینگ افغانی آلهدیلر.
اولرگه کوره، فراهنینگ قوشمه یولیدهگی آنتن و چکآب پوستهلری هم هیداوچیلردن 1-2 مینگ افغانی باج آلهدیلر.
اولرنینگ ایتیشیچه، مذکور پوستهلرنی پولیسی پول آلیشی گه علاوه، هیداوچیلرنی کلتکلب و سوکهدیلر.
هیداوچیلرنینگ ادعا قیلیشیچه، اوتمیشده پولیس پوستهلری موترلردن 20 افغانی آلهدی ایکن؛ بیراق حاضر پول تالانی 5 مینگ افغانی گه اشگن.
عین حالده، هرات حاکمینی سوزلاوچیسی جیلانی فرهادنینگ ایتیشیچه، امنیتی ادارهلر و اعتراضچی هیداوچیلر بیلن بیرگه بیر ییغین یولگه قوییلیشی خصوصیده، قرار قیلینگن و اوندن سونگ، پولیس پوستهلری بیلن جدی شکلده یاندهشیلهدی.
شونینگدیک، فراه پولیس قومندانلیگی سوزلاوچیسی محبالله محب نینگ ایتیشیچه، تیزلیککه مذکور ولایتنینگ قتناو یولیدهگی پولیس پوستهلرینی تیکشیریب و خلافکارلر قانون اساسیده، تیرگاوگه آلینهدی.
هرات-قندهار قتناو یولینینگ هیداوچیلری بیرینچی مرته پولیس کوچلرینینگ باج آلیشلریدن شکایت قیلمهگنلر. شونینگدیک، نیچه آی آلدین، هیداوچیلر ترانسپورت وزیرینینگ حضوریده، پولیس کوچلرینینگ باج آلیشلری گه قرشی اعتراض بیلدیرگن ایدیلر. بیراق حاضرگچه بو قیینچیلیک حل بولمهگن.
