افغان-تورک لیسه‌لریگه تحصیل کوره‌دیگنلر خانه‌دانی حکومتدن اوشبو لیسه‌لر مسؤولیتینی تورکیه دولتیگه بیرمس‌لیگینی طلب قیله‌دی.
بو اوقووچیلر خانه‌دانی ناراض‌لیک ییغین اوتکزیب، مکتبلرده سبق کوره‌دیگن یاش باله‌لرنینگ اوشبو مکتبلرده استعدادلری اویغاتیلگن و لیاقت یوزه‌سیدن تورکیه دولتی نینگ مکتبلر سیستمی زیان ایتکزه‌دی دیدیلر.
اوشبو خانه‌دان بیر میلیون امضا ییغیشتیریب تورکیه دولتیگه مکتبلر تاپشیریلیشی‌گه قرشیلیک بیلدیرگنلر.
بولرنینگ کوپه‌تیریشیچه، باله‌لری نینگ اورگه‌نیش شیوه‌سی یخشی روشده آلغه بارماقده.
افغان-تورک لیسه‌لری اوقیتوچیلریدن بیری ملالی بارکزی نینگ ایتیشیچه، اوشبو مکتبلرنینگ ایریک توشینچه‌سی معارف‌گه خدمت قیلیش بولگن و حاضرگه قدر افغان-تورک لیسه‌لری کوپلب یوتوغ کیلتیرگنلر.
افغان-تورک لیسه‌لری 23 ییل آلدین حاضرگی مدیریتی بیلن 8 مینگ اوقووچینی 11 مکتب قوریشی بیلن مملکت ایریم ولایتلریده فعالیت قیلیب کیلماقده.
اوتگن ییل جولای آییده تورکیه‌ده کوتیلمه‌گن (درمه/ کودتا) اوتکزیلیشی‌گه عیب‌لب فتح‌الله گولن اوشبو حرکت عاملی دیه نقط بیردی تورکیه دولتی. فتح‌الله گولن جنبشی افغانستان قوشیمچه دنیا بویلب فرهنگ و معارف سطحی‌ده فعالیت آلیب بارماقده ایدی. نیچه آی آلدین تورکیه دولتی افغانستان حکومتیدن بومکتبلر توغریسیده عملده بیر ایش قیلیشینی طلب قیلگن ایدی.
مکتبلر سقله‌نیشی و قیینچی‌لیک حل ایتیلیشی اوچون هیأت کیلگن ایدی. رسمیلرگه کوره، مکتب‌لرنی تورکیه دولتیگه تاپشیریش بیلن، یاپیلیش خطری قالمیدی. تورکیه دولتی کوپلب مملکت لردن اوشبو مکتبلر یاپیلیشینی طلب قیلگن ایدی.
