غورعامه ساغلیک ملازملرینینگ ایتیشیچه، غورده متخصص داکترلر یوقلیگی بالهلرگه چیچک و کوک یوتل کسللیکلری کوپلماقده. اولرگه کوره اوشبو قیینچیلیکنی عامه ساغلیک وزیرلیگی بیلن اورتهگه قویگنلر بیراق حاضرگه قدر هیچ داکتر اوشبو ولایتگه یوباریلمهگن.
غور کسلخانهسینینگ باشلیغی جمعه گل یعقوبینینگ سلاموطندارگه ایتیشیچه، داکتر یوقلیگی سبب بالهلرکسلیگی کوپ بولگن، او نینگ ایتیشیچه، حاضرگه 110دن آشه ایرم کسلیکلرگه دوچ کیلگن بالهلرغور مرکزی کسلخانه سیگه دارولنیب تورگن.
غور بیر قطار یشاوچیلری متخصص داکترلر یوقلیگیدن تنقید قلیب، باله لرینی داورلش اوچون قوشنه ولایتلرگه یا اولکهدن تشقری کیتیشگه مجبور قالیشلرینی ایتهدیلر.
غور یشاوچیلریدن عبدالغفورنینگ ایتیشیچه، داکتر یوقلیگی اوچون اولر کسللرینی هرات یاده کابلگه آلیب کیتهدیلر.
غور یشاوچیلریدن فیروز شاه گه کوره، مذکور ولایت نینگ اکثر یشاوچیلری اقتصادی قیینچیلیگی بارلیگی سبب باله لرینی قوشنه ولایتلرگه آلیب کیتهآلمسلیکلری اوچون باله لرینی قولدن بیرهدیلر.
غور عامه ساغلیک ریاستینینگ باشقروچیسی عبدالطیف رحیمی، اوشبو قیینچیلیکنی قیته – قیته عامه ساغلیک وزیرلیگی بیلن اورتهگه قویگن میز، بیراق حاضرگه قدر باله کسلیگی متخصصی یوباریلمهگن دیدی.
اولر متخصص یوقلیگی سبب یلغوز فیروز کوهده 65باله قیزاموق و یوتل کسلیگی سبب هلاک بولگنینی معلوم قیلهدیلر.
