ولایتلرده ریاست و آمریتلر لوزامیده ایش بیلن شغللنهنیب کیله دیگن افغانستان تکنالوژی و مخابرات وزیرلیگی 41نفر ملازمی نینگ لوازمی آزاد رقابت آرقهلی اعلانگه قویلهدی.
مخابرات و تکنالوژی وزیرلیگی نینگ اوشبو ملازملری بوگون (سهشنبه) کابلده اعتراضلی بیر ییغین اوتکزیب ایتیشلریچه، مذکور وزیرلیک نینگ عملدهگی ایشلاوچیلری بولیشلریگه قرهمی، لوازملری ینگی لایحه « آزاد رقابت اساسیده قابلیتنی آشیریش» (سیبیآر) آرقهلی اعلانگه کیتگن.
اعتراضچی ملازملر، سیبیآر سیستمی ملکی خدمتلر ایش قانونیگه قرشی بیر عمل دیدیلر. اولر اوشبو سیستم فقط طررالعملده دیگنلر.
مذکور وزیرلیک نینگ عملدهگی ملازملری نینگ بو قبیل تشویشلری بوگون مذکور وزیرلیک بوش لوازملری اوچون ینگی کاندیدلر سیناو اوتکزگن بیر پیتده بیلدیرلماقده. اما، اعتراضچیلر معمول مقرارتگه قرشی سیناو اوتکزیش اوچون شارت لیست هم بولمهگنلیکلرینی تیلگه آلگنلر.
سلاموطندار بیلن تیلفون آرقهلی صحبت اوتکزیگن تکنالوژی و مخابرات وزیرلیگی نینگ سوزلاووچیسی یاسین صمیم، جمهور رییس نینگ فرمانی اساسیده بوش لوازملر همده ملکهسی بولمهگن ملازملر لوازمی سیبیآر آرقهلی سیناو آلینی قیتهدن کیشیلر تعین ایتیلهدی دیگن.
جناب صمیم، عمومی مدیریت، تکنالوژی عمومی مدیرتی و ولایتلرنینگ ریاستلری جمله 91 لوازمدن عبارت دیگن. بو لوازملری سیبیآر آرقهلی امتحان آلینیب ینگی کیشیلر تعین بولیشی ایتیلهدی. هنوز گچه بو لوازملرگه سیناو تاپشیریش اوچون 1000 کیشی رویخطگه آلینگن و بولر ایچیده 194 سنگی امتحاننی تاپشیریگن.
