.jpg)
غور ولایتیده قطار ناگرانلر و شهیدلر عایلهلرینینگ سلاموطندارگه ایتیشیچه، اوشبو ولایت محلی مسووللرینینگ دقت سیزلیگی و ایش سیزلیگی سبب، بیر ییلدن بویان حقوقلرینی قولگه کیلتیرمهگنلر.
اولرنینگ ایتیشیچه، هردایم حقوقلرینی قولگه کیلتیریش اوچون مراجعت قیلگن صورتده، محلی مسووللر بودجه یوقلیگینی بیلدیرهدیلر.
اوشبو ناگرانلر و شهیدلرنینگ عایلهلریگه کوره، قوروقچیلیک، کم بغللیک و قیش موسومینینگ ایتیب کیلیشی اولرنی خواطرلنتیرگن.
غور حاکمینینگ سوزلاوچیسی عبدالحی خطیبینینگ مرکزی مسووللردن تنقید قیلیب ایتیشیچه، اولر هر ییل ناگرانلر و شهیدلر عایلهلری حقوقلرینینگ تولهنیشی خصوصیده دقت سیزلیک قیلهدیلر. خطیبینینگ ایتیشیچه، حاضرده کمیده 200 شهیدنینگ عایلهسی ییل حقوقلرینی قولگه کیلتیرمهگن.
.jpg)
بیراق غور اجتماعی ایشلر ریاستینینگ ناگرانلردن حمایت قیلیش آمری گلاحمد رستمینینگ ایتیشیچه، یولنینگ اوزاقلیگی، ناتیینچلیک و مسوولسیز قورالی کیشیلرنینگ حضوری باعث، ناگرانلر و شهیدلر عایلهسینینگ حقوقلری حاضرگچه بیریلمهگن.
جناب رستمینینگ ایتیشیچه، بیرینچیدن امنیتی کوچلر شهیدلری عایلهلرینینگ حقوقلرینی تولهیدیلر و اوندن سونگ مالی ییل اداغی گهقدر ملکی شهیدلر عایلهلرینینگ حقوقلرینی تولهش اوچون سعی و حرکت قیلهدیلر.
ناگرانلر و شهیدلر عایلهلرینینگ ایتیشیچه، حقوقلری بیریلگن صورتده، قیینچلیکیلرینی بیر بولیمی حل ایتیلهدی.
