مملکت عالی تحصیلات وزیرلیگی نینگ بلند مرتبهلی مسووللری، کیلگوسی ییل کانکور سیناوی اوچون ینگی لایحه نظرده توتیلگن لیگینی حقیده خبر بیرگنلر. وزیرلیک، کانکور سیناوی قیشدن یازده آلینیشی اوچون ینگی برنامه ایشلب چیققن.
شونینگدیک وزیرلیک نینگ مذکور لایحهسی مملکت پارلمانی آرقهلی تصدیق بولگن. عین حالده، وزیرلیک نینگ مسووللری، بایومتریک تیزیمیدن ایش آلینیشی کیلگوسی ییل کانکور سیناویده هر قندهی تقلب آلیدی آلینهدی دیگنلر.
افغانستان عالی تحصیلات وزیرلیگینینگ سوزلاوچیسی فیصل امین سلاموطندار ترماغی بیلن اوتکزگن مخصوص صحبتده، کانکور سیناوی فصلینی اوزگرتیریش طلبهلر منفعتیگه دیگن.
جناب فیصل، کانکور سیناوی آلینیش فصلی اوزگرتیریلیشیدن علاوه بایومتریک تیزیمیدن ایش آلینیشی مملکت بولیب تقلب آلدی آلینیشی اوچون سیزیلرلی درجهده بو لایحهگه همکارلیک قیلیشی ممکن دیدی.
شونینگدیک وزیرلیک نینگ مذکور لایحهسی طلبهلر تامانیدن هم قوللب قوتلنگن. اولرنینگ سوزلریگه کوره، افغانستان یاش قتلمی نینگ تقدیرینی تعین ایته دیگن مملکتده اوتکزیلهجک اینگ کته سیناو هر قندهی تقلبسیز اوتکزیلیشی کیرهک.
کابل بیلیم یورتی نینگ استادلریدن امین هاشم، مملکتده کانور سیناوی آلینیشی نینگ وقتی قیشدن یازگه اوزگرتیریلگن لیگینی اینگ توغری بیر ایش دیگن. کانور سیناوی نینگ بو ینگی لایحهسی عملی بولیشی بیلن فغانستان سیناو اوتکزیش ساحهسیده اوزینی دنیا دولتلری بیلن ماسلشتریشگه توغری کیله دی دیگن جناب هاشم.
مملکت عالی تحصیلات وزیرلیگی نینگ بو ینگی لایحهسی 1396- ییل کوچه کیریتیلیشی کوتیلهدی. جاری ییل کانکور سیناوی حوت آییده آلینیب اسد آییده نتیجهسی اعلان بولگندن سونگ بیرینچی سمترنینگ درسی سنبله آییدن باشلهنیشی انابتگه آلینگن.
کانکور سیناوی لایحه اشتراکچیلری نینگ اساسی تشویشلریدن حسابلنهدی. هر ییلی اونلب محصل کانکور سیناوی جریانیگه قول اوریلیشیدن شکایت قیلیب کیله دیلر.
