خلق ارا ایش سازمانی و واک فری بنیادینینگ گزارشیگه کوره، شو عصر مدرن بردهلرینی عیاللر و بالهلر تشکیل بیرهدی، مذکور گزارشگه کوپهیتیریلیشیچه، حاضرگی عصر بردهلریدن 71% نی عیاللر و باشقه 25%نی بالهلر تشکیل بیرهدی.
بردهدارلیک قانونی 100 ییل آلدین غیرقانونی اعلان ایتیلگن؛ بیراق بردهدارلیک پدیدهسی کامل صورتده نابود ایتلمهگن و بو پدیده ینگی عنوان بیلن دوام ایتماقده.
15 و 19- قرنلر، بردهدارلیک اوج تاپگن قرنلردن دیر، دنیا ده یالغیز 13 میلیون برده بار ایدی، بیراق حاضرده مدرن عصر بردهلرینینگ ارقامی 40 میلیونگه ییتیشگن و بو رقم سابققه قرهگنده بردهدارلیکنی 3 برابر کوپهیگنینی کورستهدی. مدرن عصر بردهلری، استکلریگه قرشی کم حقوق بیلن شاقه ایشلرنی انجام بیریشگه مجبور بولهدیلر.
خلق ارا ایش سازمانی و واک فری بنیادینینگ گزاریشیگه کوره، مدرن عصر بردهلریدن 11% جنسی زوراوانلیککه قرار بیریلهدی.
4 میلیوندن آرتیق کیشی دنیا قطار مملکتلریده مزرعهلرگه ایش قیلیش اوچون رسمی برده عنوانیده استخدام ایتیلهدی و قطار مملکتلرده بالهلر بردهلیکنی آته و آنهلریدن ارث گه آلیب کیتهدیلر. مثال شکلده، موریتانیا ده آنه برده بولگن حالده، اونینگ بالهسی هم برده حیثیده دنیاگه کیلهدی.
بردهلردن کوپراغی آفریقا و آسیا قارهلریده دیر و جنوبی کوریا، ایریتریا، بروندی، مرکزی آفریقا، افغانستان، موریتانیا، پاکستان، کبودیا و ایران مملکتلریده ترتیب اساسیده هر 1 مینگ کیشیدن 104، 93، 40، 22، 22، 21 و سونگی 3 مملکت ده هر 1 مینگ کیشیدن 16 تهسی برده دیر.
گزارشگه کوپهیتیریلیشیچه، پول دارلر و زوراوانلر هر ییلده 150 میلیارد دالرنی بردهدارلیک یولیدن قولگه کیلتیرهدیلر.
ایتیش کیرککه جنسی بردهدارلر کوپراغ درآمد قیلهدی و بو یولدن ییلده هر بیر برده دن 36 مینگ دالر قولگه کیلتیرهدیلر.
تاریخ بوییچه بردهدارلیک ایریم منطقهلرده فرقلی معنی بیرهدی. 18 و 19- قرنلرده آمریکا و هند غربیده بردهلیک اوی و مزرعهگه ایش قیلیش معنیسیگه ایدی.
برده سوداگرلیگی اروپا و آمریکا ده 19- قرنگهقدر دوام تاپگن. آمریکا 16- جمهور باشلیغی آبراهام لینکن، بیرینچی مرته بردهدارلیکنی لغو قیلیش اعلامیهسینی 1863- ییلده صادر قیلدی.
