تینچلیک مصلحتی قورولتاییده تخار مرکزی تالقان شهری نینگ سهمی 4 عیال و 7 ایرکک شامل 11 کیشی ایدی و تیگیشلی جمغرمهلر نیچه ییغین یولگه قوییب و مذکور 11 کیشی تیگیشلی ادارهلر تامانیدن تنلشی خصوصیده قرار آلگن ایدیلر، بیراق تخار ولایتی کینگشی اوشبو قرار گه قرشی کیلیب و دوشنبه کیچه تالقان شهریده سیلاو یولگه قوییلیشی اوستیگه اورغولهدی.
ولایتی کینگش نینگ اوشبو قراری اساسیده، بوگون تخار یشاوچیلریدن مینگلرچهسی آواز بیریش اوچون حاضر بولدیلر.
بیراق مذکور سیلاو مینگلرچه آوازبیروچی نینگ حضوری، آواز بیریش صندوقلری نینگ سینیشی و آواز بیریش قاغذلری نینگ آلینیشی باعث برهم اوریلدی.
تخار مدنی فعاللری و اوشبو سیلاونینگ قطار نامزدلری نینگ ایتیشیچه، ولایتی کینگش اعضالری بوگونگی سیلاونینگ ناسازگارلیگی گه عامل بولگن. اولرگه کوره، ولایتی کینگش اعضالری اوز آدملرینی تنلش اوچون سعی و حرکت قیلهدیلر.
اولرنینگ ایتیشلریچه، ولایتی کینگش اعضالری گه تیگیشلی قوراللی کیشیلر اهالی نینگ اوز آدملریگه آواز بیریش اوچون مجبورلنتیرگنلر و ولایتی کینگش اعضالریدن بیریسی اوز سینگلیسینی نامزد قیلگن.
عین حالده، تخار ولایتی کینگش اعضاسی لطیفه سعیدی نامزدلرنینگ اعتراضی گه جواب قیتهریب ایتیشیچه، اونینگ سهمی بیر کیشی ایکن و شو یوزهدن تینچلیک مصلحتی قورولتایی گه سینگلیسینی یوبارهدی.
شو توغریده:
- تینچلیک مصلحتی قورولتایی 1398- ییل، 9- ثور ده یولگه قوییلهدی
قورلتای یولگه قوییلیشی و موقت حکومت ایجاد ایتیلیشینی رفراندومگه قوییلیشی کیرهک
بیراق تخار ولایتی کینگشی نینگ کاتبی محمداعظم افضلی نینگ ایتیشیچه، مسلکی ایشلاوچی یوقلیگی و امنیتی کوچلرنینگ همکارلیک قیلمهگنی باعث، تینچلیک مصلحتی قورلتایی اعضالرینی تنلش ییغینی بوزیلگن.
شونینگدیک بوگون تالقان شهری نینگ مدنی جماعه چیلیگی، متشبثلری، عیاللری، عالملر کینگشی و بلدیه نینگ مصلحتی کینگشی تینچلیک مصلحتی قورلتایی اوچون اوز نمایندهلرینی تنلش خصوصیده سیلاو یولگه قویگنلر.
شوندی بیر حالده، شونینگدیک بدخشان و بغلان مدنی فعاللریدن قطاری مذکور ولایتلرده تینچلیک مصلحتی قورلتای اعضالرینی تنلش لایحه سینی تنیقسیزدیب ایتیشلریچه، اوشبو لایحه گه ساختهکارلیک یوز بیرگن.
ایتیش کیرهک کیم، تینچلیک مصلحتی قورلتایی 1398- ییل، 9- ثور و 4 کونگه قدر کابل شهریده یولگه قوییلیشی توغریسیده قرار قیلینگن. مذکور قورلتای گه بوتون مملکت بویلب 2500 کیشی اشتراک ایتیشی ممکن.
