بوگون «پنجشنبه» کابلده ملت گه دولت جواب بیریش برنامه ده نطق سوزلهگن محلی ارگانلر ایرکین ادارهسینی باشلیغی عبدالمتین بیک نینگ ایتیشیچه، حاضر مملکت جمعیتینی 70% دن آرتیغی دولت حاکمیتی ده حیات کیچیرهدی و شونینگدیک، طالبان گروهی نینگ اختیاریده بولگن منطقهلرده هم دولتی خذمتلر ارایه ایتیلهدی.
جناب بیک گه کوره، حاضر مملکت تومنلریدن یالغیز 20 تهسی طالبان گروهی نینگ نظارتی ده بولگن.
عین حالده،، ملت گه دولت جواب بیریش برنامهسیده کابل شهرداری احمدذکی نینگ ایتیشیچه، مذکور اداره اوتگن ییل شهردارلیک منبعلریدن کمیده 4 میلیارد افغانی درآمد توپلهگن.
شونینگدیک، جناب ذکی نینگ ایتیشیچه، کابل شهردارلیگی ییرلر غصب قیلینیشی و باشکینتده تخلفلر آلدی آلینیشی اوچون 409 کیشیلیک قطعه ایجاد قیلیش گه قرار قیلگن.
کابل شهرداری 22 ناحیهده نشان تاپیش دستلبکی نقشه تیارلنگنی و شونینگدیک، باشکینت یشاوچیلریگه 38 مینگ دن آرتیق صفایی دفترچه ترقهلیشیدن خبر بیرگن.
