.jpg)
هرات ولایتی یشاوچیلری و ساغیک وزیرلیگی رضاکارلری نینگ حمایتچیلریدن اونلرچهسی افغانستان اسلامی طبی انجمن رضاکار ایشلاوچیلری، ساغلیک وزیرلیگی تامانیدن افغان-جاپان کسلخانهسیدن چیکلنیتریلگنی توغریسیده، مذکور ولایتده ناراضلیک نمایش یولگه قوییشگن.
مذکور اعتراضچیلر بوگون (یکشنبه 22- سرطان) هرات ولایت مقام بناسی برابریده توپلهنیش بیلن ساغلیک وزیرلیک سرپرستی احمدجواد عثمانی نینگ استعفا بیریشی نی سورهگن.
اولرنینگ ادعاسیگه کوره، ساغلیک وزیرلیگی سرپرستی کیچهلب افغان-جاپان کسلخانهسیگه بارگن و افغانستان اسلامی طبی انجمن رضاکارلر گروهی نی زور و قورال بیلن اهانت قلیب کسلخانهدن چیقارگن.
اوتگن هفته افغانستان اسلامی طبی انجمن (ایما) مسئوللری کابل ده خبری بیر ییغین اوتکزیب ایتیشلریچه، ساغلیک وزیرلیگی مذکور انجمن رضاکار ایشلاوچیلرینی افغان-جاپان کسلخانهسی نینگ مدیریت بولیمیدن چیکلنتیریب و بو بولیمده ینگی بیر گروه نی تانیشتیرگن.
اعتراضچیلرنینگ اورغولشیچه، اولرنینگ ایستهکلری گه توجه قیلینمهگن صورتده، داخواهلیک و ناراضلیک نمایش یولگه قوییش گه دوام بیرهدیلر.
بیراق ساغلیک وزیرلیگی سوزلاوچیسی اورینباسری معصومه جعفری، افغانستان اسلامی طبی انجمن رضاکار ایشلاوچیلری مذکور وزیرلیک آرقهلی افغان-جاپان کسلخانهسیدن چیکلنتیریلگنی نی رد قیلهدی.
اونینگ ایتیشیچه، ساغلیک وزیرلیگی سرپرستی مذکور انجمن اعضالری بیلن اوتکزگن ییغینده اولرگه، رضاکارلری ینگی تعیین ایتیلگن گروه بیلن بیرگهلیکده اوشبو کسلخانه گه فعالیت قیله آلهدی دیگن.
