.jpg)
سمیرا: مینینگ یاشیمده بولگن کوپینچه قیزلر اورته اوقولده حیض کوردیلر. مین ایسه اون آلتی یریم یاشیمگچه حیضدن هیچ قندهی نشانه کورمهگن یالغیز قیز ایدیم.
ایریم پیتلر وجودیمنی عملی عادی بولمهگنیدن خواطرلنردیم؛ لیکن کیچ کورینگن حیض یخشی نتیجه هم بیرهدی؛ مکتب ایچیده ساغلیک نواری تبلیغ و ترقهتیلهدیگن دورده، مین حیض و نشانهلری توغریسیده برچه نرسهنی بیلردیم.
لیکن شونچه معلومات گه قرهمهی بیرینچی مرته حیض کورگنیم ده وجودیم یرهلنیب و مین خبر بولمهگنیم نی توشوندیم. شونینگدیک، حیض کوریشیمدن ایکی کون آلدین ییقیلگن ایدیم و بو موضوع مینینگ کوپراق خواطرگه سالدی.
حیض نشانهلری توغریسیده اورتاقلریم تامانیدن تعریف ایتیلگن یورک آغری، بیل آغری و اوقشومه مینینگ وجودیم ده یوق ایدی. شو یوزهدن ایکی کونگچه قیینچیلیگیمنی آنم دن یاشیردیم.
ایکی کون اوتگنیدن سونگ، بیردیک قان آقیش کوپهییب و پنتلونیمنی هول قیلدی. نتیجهده کته سینگلیم گه ایتدیم و او کولگو بیلن ایتدی: «دیوانه حیض کوریب سن؛ یرهدن خبر یوق». مین گه ایسه ساغلیک نواری بیردی.
آتم ماجرا دن خبرسیز بولگنی باعث، هردایمدهگی روال دیک مینینگ نماز اوقیشگه مجبور قیلردی. روزه آییده هم مینینگ روزه آلیشیم اوچون سحرلیککه اویغاتردی. بیراق زمان اوتیشی بیلن آنم حیض موضوعینی آتم گه ایتدی و اوندن سونگ، حیض کورگنیمده نماز اوقیش و روزه آلیشگه مجبور ایمس ایدیم.
