بغلان ولایتیده کووید-19 گه خاص کسلخانه ده کرونا ویروس گه شبههلی و چلینگن کیشیلردن بیرقطاری نینگ ایتیشلریچه، بو کسلخانه ده کرونا ویروس نی تشخیص قیلووچی کیتلر بیتگن.
بغلان یشاوچیلریدن بیرقطاری، کرونا ویروس سیناوی اوچون نیچه کوندن بیری بو کسلخانه گه مراجعت قیلیشگن و اولرنینگ سلاموطندارگه ایتیشلریچه، داکترلر اولرگه کرونا ویروس نی تشخیص قیلووچی کیت یوقلیگینی ایتیب و کسللردن اوزلرینی اویده قرنطین قیلیشلرینی طلب قیلگن.
عین دمده، بغلان ولایتیده کووید-19 گه خاص کسلخانه ده دارولنهدیگن کرونا کسللریدن باشقه بیرقطاری، کسللر بیلن داکترلرنینگ یامان یاندهشیشلری و بو کسلخانه ده ییگولیک آذیق-اوقت و سوو کملیگی دن شکایت قیلیشگن.
بیراق، بغلان ولایتیده ساغلیقنی سقلش ریاست باشلیغی محبالله حبیب نینگ ایتیشیچه، اوتگن کون کیچ قورون کرونا ویروس نی تشخیص قیلووچی کیتلر بو کسلخانه گه ییتیشگن و کرونا ویروس گه شبههلی کیشیلردن سیناو آلیش جریانی بوگوندن باشلنهدی.
جناب حبیب نینگ کوپهیتیریشیچه، کسللرنینگ آذیق-آوقت و سوو توغریسیده بولگن قیینچیلیکلری هم حل ایتیلگن.
بغلان ولایتیده ساغلیقنی سقلش ریاست باشلیغی، اهالی دن ساغلیک توصیهلریگه دقت قیلیب و کرونا ویروس نی جدی آلیشلرینی سورهگن.
بغلانده حاضرگهقدر 335 دن آرتیق کیشی کرونا ویروس گه چلینگن و بو آرهدن 14 تهسی جان بیرگن و باشقه 63 تهسی قیته ساغهیگن.
