افغانستانده کرونا ویروس گه چلینگنلرنینگ رقمی کونساین آشیب و اولیم سانی آشهیاتگن بیرچاغده، خلق ارا قوتقریش کمیتهسی نینگ آگاهلنتیریشیچه، کرونا ویروس افغانستان نی انسانی فاجعه گه روپهره قیلیشی ممکن.
اوتگن کون «دوشنبه، 12- جوزا» خلق ارا قوتقریش کمیته تامانیدن نشر قیلینگن اعلامیه ده کیلیشیچه، افغانستانده کرونا ویروس کینگهییب بارماقده و اوشبو ویروس کسللریدن کوپینچهسی سیناو چیکلاوی باعث، تانیلمهیدی.
شونینگدیک، اوشبو اداره نینگ ایتیشیچه، کرونا ویروس گه چلینگنلرنینگ رقمی آشیشی گه قرهگنده، بو مملکت ده ساغلیک خذمتلری و جهازلری ییترلی ایمس دیر. خلق ارا قوتقریش کمیتهسی نینگ کوپهیتیریشیچه، اوتگن بیر آیده افغانستانده کرونا ویروس رواجلنیشی 684% آشگن.
خلق ارا قوتقریش کمیتهسی، دنیا جماعهچیلیگی دن کرونا ویروس گه قرشی کورهش خصوصیده، افغانستان گه یاردم بیریشینی سورهدی.
مذکور اداره نینگ اعلامیهسیده کیلیشیچه، افغانستانده کرونا ویروس رواجلنیشی 11 میلیون کیشینی ییگولیک آذیق-آوقت کملیگی گه روپهره قیلگن.
رسمی رقملر اساسیده، افغانستانده حاضرگهقدر 15 مینگ و 750 کیشی کرونا ویروس گه چلینگن و بو آرهدن 265 کیشی جان بیرگن. شونینگدیک، اوشبو ویروس گه چلینگنلردن بیر مینگ و 428 کیشی قیته ساغهیگن.
