دندغوری بیتمی افغانستان قوم، قبیله و چیگرهلر وزیری تامانیدن طالبلر گروهی اورتهسیده امضالنگندن کیین بو منطقه طالبلر اوچون امنیتی تامین بولگن مرکزگه ایلندی.
حاضر منطقهده طالبلرنینگ حضوری اهالی اوچون کته معما بولگن. سلاموطندارگه صحبت قیلگن منطقهنینگ بیر قنچه اهالیسی نینگ ایتیشیچه، طالبلر محلدهگی مسجدلرنی حربی قرارگاه توزیب، اهالیگه عبادتگه کیلیش اوچون رخصت بیرمیدیلر
دندغوری گوهرگان قیشلاغینینگ یشاووچیسی اجمل، اوتگن آی رمضانده بیر رکعت نمازنی هم مسجدده اوقیشگه موفق بولمهگنلیک لرینی ایتهدی. او، طالبلرنینگ بو ایشیدن حوصلهلری پیر بولگن لیگینی بیلدیرگن.
اوتگن ییل بهار موسومیده دندغوریده 12 مسجد اوتده یاندیریلگن ایدی. محلی مسووللر، مذکور عبادتگاهلر جنگری طالبلر طرفیدن اوتده یاندیریلگن لیگینی تیلگه آلگن ایدیلر.
موضوعنی تصدیقلهگن امنیتی منبعلرگه کوره، قوراللی طالبلر دندغوریده 30 ته مسجدنی اوز اختیاریگه آلیب بو مسجدلردن توریب ملی کوچلرنی نشانگه آلهدیلر.
بغلان ولایتیده ملی اردو مخصوص کوچلری اونینچی کندکی نینگ سوزلاووچیسی جاوید سلیم، طالبلر بو منطقه ده عشر و ذکات ییغیش اوچون اوروش قیله دیلر دیدی. سوزلاووچی، تینچ اهالی طالبلر تانایندن قلقان صفتیده ایش آلینه دیلر دیگن.
جناب سلیمنینگ سوزلریگه کوره، طالبلر حربی جهازلری همده ییغه دیگن عشر و ذکاتلرینی مسجدلرده ذخیره قیله دیلر دیدی.
بغلان ولایت والیسی عبدالستار بارز، انه شو باعث هم قوراللی طالبلر کیریب آلگن مکتب، شفاخانه، مکتب و باشقه عاموی مکانلرنی حربی هجوم آستیگه آلالمیدیلر دیگن.
شونینگدیک ولایت والیسی، مذکور منقطه ده افغان ملی کوچلری تامانیدن ییریک حربی عملیات اوتکزیلیشی نظرده توتیلگن دیدی.
