.jpg)
افغانستان دنیا بویلب قاچقینلری نینگ کوپ بولگن 3 مملکتدن بیری دیر؛ عین حالده، مهاجرلر وزیرلیگی نینگ ایتیشیچه، حاضرگهقدر 800 دن آرتیق چیتایللیک فقرا افغانستانده یشش اوچون باشپناهلیک سورهگن.
مهاجرلر وزیرلیگینی حقوقی ایشلر ادارهسی باشلیغی مرتضی رسولی نینگ سلاموطندارگه ایتیشیچه، باشپناهلیک سورهگن 800 چیتایللیک فقرا آرهسیدن 200 تهسی نینگ ایستهگی رد ایتیلگن.
ایتیلیشیچه، افغانستاندن باشپناهلیک سورهگنلردن کوپینچهسی سوریه، عراق و ایرانلیک بولیشگن.
مملکتده باشپناهلیک خصوصیده ملی قانون یوقلیگی افغانستان دولتی گه قرشی اساسی قیینچیلیکلردن بیری دیر و بو موضوع باعث، چیتایللیک فقرالرنینگ باشپناهلیک ایستکلرینی تیکشیره آلمهیدی. شو یوزهدن مهاجرلرنینگ ایشلری بوییچه بیرلشگن ملتلر تشکیلاتی نینگ ییریک کمیشنری، دنیا قانونلریگه قرهب بو مسؤولیت نی افغانستانده بوینیگه آلگن.
افغانستان بوییچه مهاجرلر اوچون بیرلشگن ملتلر تشکیلاتی نینگ ییریک کمیشنری دفترینی سوزلاوچیسی نادر فرهادنینگ ایتیشیچه، افغانستانده باشپناه سورهگنلر اوچون ملی قانون یوقلیگی باعث، یالغیز 9 چیتایللیک مملکت دن بولگن 420 فقرانینگ ایستکلرینی تیکشیرگن.
.jpg)
جناب فرهاد، مهاجرلر وزیرلیگی نی حقوقی ایشلر اداره سی باشلیغی نینگ سوزلرینی رد قیلیب ایتیشیچه، حاضرگهقدر هیچ ایستک اولر تامانیدن رد ایتیلمهگن.
باشپناهلیک خصوصیده بولگن ملی قانون افغانستان دولتی گه بو مملکتده چیتایللیک فقرالرنینگ حضوری و یششینی مدیریت قیلیشده یاردم بیرهدی و بو قانون ریجهلنیب و تصدیقلنیشی مهاجرلیک بحرانی کینگهیگنی گه قرهگنده، جدی نیازلردن بیری دییلهدی.
عین دمده، مهاجرلر وزیرلیگی نینگ مسؤوللری، بو قانون اوستیگه ایش قیلینیشینی بیلدیرگن.
