بغلان ولایتیده مخدره ماده گه چالینگن بنگیلردن بیرقطاری، سلاموطندار بیلن اوتکزگن صحبتلریده، مخدره ماده گه یاشلر چالینیشینی اصلی دلیلی، اوشبو ماده زورهوانلر و حکومت گه تیگیشلی قطار قوراللیلر تامانیدن قولهی شکلده ساتیلیشی دیب بیلهدی.
بغلان ولایتیده کوپ صرف ایتیلهدیگن مادهلر پودر، شیشه، تریاک و چرسدن عبارت بولگن و بو مادهلر زورهوان کیشیلر و حکومت گه تیگیشلی قوراللیلر تامانیدن مذکور ولایتنینگ بنگیلریگه ترقهتیلهدی.
دیمک بو مذکور ولایتنینگ بنگیلریدن بیرقطارینینگ ادعاسی دیر.
اردوکوچلرینینگ صفیده 4 ییل خذمت قیلگن بغلان یشاوچیلریدن لطفالرحمان و شریفاللهنینگ ایتیشیچه، ایشدن چیقاریلگنلریدن سونگ مخدرهمادهگه یوز کیلتیرگنلر.
مذکور یاشلرنینگ ایتیشیچه، مخدره مادهلرنی قویی بهابیلن محلی زورهوانلر و قطار دولتگه تیگیشلی قوراللی کیشیلردن ساتیب آلهدیلر.
اولرگه کوره، بو کونلرده یاشلر یانیده قطارعیاللرهم مخدرهمادهگه یوز کیلتیرگن.
بغلان مخدرهمادهلرگه قرشی کورهش مسئولرینینگ ایتیشیچه، خوفسیزلیک رسمیلرینینگ توجه سیزلیگی سبب، بنگیلر سانی و بنگیلرگه مخدرهماده ترقهتیش میزانی یوقاری کیتگن.
بغلاننینگ مخدرهمادهلرگه قرشی کورهش باشلیغی فضل الحق اندرابینینگ ایتیشیچه، اولر بیرنیچه مرته خوفسیزلیک کوچلریدن بو ولایتدهگی خشخاش و مخدرهمادهلرنی نابود ایتیلیشی نی سورهدی، بیراق اولر بو توغریده هیچقندی حرکت قیلمهگن.
اونگه کوره، خوفسیزلیک کوچلرینینگ توجهسیزلیگی سبب سونگی نیچه ییلده کوکنار ایکینی آلدینگی ییللرگه کوره 50 فایزدن یوقاری کیتگن.
عینحالده، سلام وطندارگه صحبت بیرگن بغلان پولیسی سوزلاوچیسی ذبیحالله شجاعنینگ ایتیشیچه، خوفسیزلیک کوچلر ناتینچلیکلر سبب، مخدر مادهلرنی ایکینی نی نابود ایتیشگه موفق بولمهگنلر.
بغلان پولیسینینگ سوزلاوچیسیگه کوره، خوفسیزلیک کوچلر مخدرهمادهلرنی ترقتهدیگن کیشیلرنی تانیب و قولگهآلیش اوچون حرکت قیلماقدهلر.
عین پیتده، بنگیلرنینگ کوپینچهسی پلخمری شهرینینگ قهوهاویی باغیدهلر و بو ییر اولر اوچون تینچ ییر حسابلنهدی.
بغلان عامهساغلیک مسئولرینینگ ایتیشیچه، اولر بنگیلرنینگ سانی کوپهیگنی باعث، برچه بنگیلرنی دارولشگه ییترلیچه امکانیتلری یوق.
اولرگه کوره، حاضرگه قدر بغلانده یالغیز بیر دارولش مرکزی بار و ییلده 250 بنگی او ییرده دارولنهدی.
