جاوید اقتصادی قیینچیلیک و کمبغللیک باعث، ایران گه مهاجر بولیش اوچون قصد قیلگن. او، یاز کونلریدن بیری ده تخار ولایتینینگ مرکزی تالقان شهریده بیر قاچاقچی بیلن تانیشگن و تانیشگن ساعتیده قاچاقچینینگ الداوچیلیک سوزللری سبب، یولگه توشیش گه اراده قیلیب و ایران تامان سفر قیلیش گه بیل باغلهیدی.
جاوید نینگ ایتیشیچه، ناقانونی سفرنینگ قیینچیلیگی و زورلیگی توغریسیده معلوماتی بار ایکن، بیراق اقتصادی وضعیتینی یمان بولگنی، قاچاقچیگه اعتماد قیلگن.
جاوید گه کوره، قاچاقچی کم هزینه بیلن ایران آلیب باریشینی ایتگن ایدی و یول خرجتینی اوزی بیریشینی بیلدیرگن ایکن. جاوید تالقان شهریدن نیمروز شهری تامان حرکت قیلهدی؛ بیراق اوبیلن صحبت قیلگن قاچاقچی اونی ایرانلیک بیر بلوچگه تاپشیرهدی. اونینگ کوپهیتیریشیچه، قاچاقچیلر او و باشقه مهاجرلرگه قرشی چاروا کبی حرکت قیلهریکن.
جاوید چیگره دن اوتگن بیر چاغده، ایران نینگ چیگره کوچلری قولیگه توشهدی و قیتهدن سورگون ایتیلهدی. او بیر کیچهنی نیمروزگه اوتکزگنیدن سونگ، قیتهدن ایران تامان یولگه چیقهدی.
جاوید نینگ کوپهیتیریشیچه، قاچاقچیلر یول مسیریده مهاجرلرنی کلتکلب و حتا پوللرینی آلهریکنلر. یول مسیریده بلوچ قاچاقچیلری او و باشقه کمیده 150 مهاجرنی اوغریلرگه ساتگن و کوپینچه زحمتلردن سونگ، اوغریلرنی قولیدن قوتقریلیب و قیتهدن قاچاقچیلر بیلن روپهره بولیب و گروگه آلینگنلر.
جاوید نینگ ایتیشیچه، قاچاقچی بیر هفته جریانیده، 1 میلیون تومانگه قرشی ایران انتقال بیریشینی ایتگن ایکن، بیراق 20 کون جریانیده و 3 میلیون تومان هزینه بیلن تهرانگه آلیب بارگن.
ایرانگه ایش یوقلیگی باعث، او ترکیه تامان یولگه چیقیشگه مجبور بولگن؛ بیراق ترکیه پولیسی بیر آی اونی قمراوگه آلگنیدن سونگ، قیتهدن افغانستانگه سورگون ایتگن.
اونینگ ایتیشیچه، ترکیه آلیب بارهدیگن قاچاقچیلر، انقره یا-ده استانبولگه آلیب بارگن دن سونگ، پول آلیشینی ایتهدیلر؛ بیراق ترکیه چیگرهسیگه ییتیشگن چاغده، مهاجرلر پولینی زوردن آلهدیلر و اولرنی سرنوشتسیز حالده، قوییب یوبارهدیلر.
جاوید کابلگه کیلگنیدن سونگ، پولی یوقلیگی باعث تالقان باره آلمهگن، بیراق اونینگ دوستلری پولینی بیریب تالقان آلیب بارگن.
او حاضرده تکسی هیدواچیسی دیر. اونینگ ایتیشیچه، کوپ قطار یاشلر قاچاقچیلرنینگ سوزلریگه اعتماد قیلیب چیتایللیک مملکتلر تامان یولگه چیقهدی.
تخار مدنی فعاللریدن بیری شفیق پویا نینگ ایشانچیگه کوره، قانون عملی ایتیلمهگنی و انسان قاچاقچیلریگه قرشی کورهش میکانیسم نینگ یوقلیگی، یاشلرنینگ قاچاقچیلرگه اعتماد قیلیب مهاجرت قیلیش اوچون یولگه چیقیشیگه سبب بولهدی. اونینگ ایتیشیچه، انسان قاچاقچیلرینی تانیلیب قانونگه تاپشیریلیشی کیرهک.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتینینگ مهاجرلر قاچاقی و انسان قاچاقیگه قرشی کورهش یوکسک کمیسیونی تامانیدن تیارلنیب و تصدیقلنگن.
اوشبو میکانیسمدن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچیلرنی تانیب قضایی ادارهلریگه تانیشتیریب (2017- ییل مصوبهسی) انسان قاچاقی گه قرشی کورهش قانونی اساسیده، دولت و دنیاجماعهچیلیگیگه یولچیلیک قیلیش بولگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ 6- مادهسیده، ذکر ایتیلگن روشلر انسان قاچاقیگه قربان بولگنلرنی تانیش اوچون اونملی دیر.
- انسان قاچاقی و مهاجرلر قاچاقیگه قربان بولگنلرنی دولتی ادارهلرنینگ کتبی وشفاهی معلوماتلری آرقهلی تانیش، انسان قاچاقی و مهاجرلر قاچاقیگه قربان بولگنلرگه قرشی صورت تاپگن ظلم و زوراوانلیک
- انسان قاچاقی و مهاجرلر قاچاقیگه قربان بولگنلر وضعیتینی بیرینچی نتیجهسی
- قربان بولگنلرنینگ وضعیتی و ظاهری شکلیدن نظارت قیلیش
- قربان بولگنلر تامانیدن ارایه ایتیلگن معلومات
- قربان بولگنلرنینگ وضعیتینی تیکشیریش
- انسان قاچاقی و مهاجرلر قاچاقیگه قربان بولگنلرنینگ مربوط بولگن ادارهلرگه مراجعت قیلیشی
انسان حقلری کمیسیونینینگ ولایتی دفترینی چیتایللیک ممکتلر اینقسه ایران و ترکیه ده یاشلرنینگ مهاجرتیدن خواطر بیلدیریب ایتیشیچه، اوشبو کمیسیون معلوماتیگه کوره، ییلده مملکت شمال و شمالشرق ولایتلرینینگ یاشلریدن 15- 20% مملکتنی ترک قیلهدیلر.
قندوز ولایتی بوییچه انسان حقلری کمیسیونینی مسوولی سیدحفیظ الله فطرت نینگ ایتیشیچه، ناتینچلیک، کم بغللیک، ایشسیزلیک و حکومت تامانیدن بیللی برنامه یوقلیگی یاشلرنینگ چیتایللیک مملکتلرده مهاجر بولیشیگه سب بولهدی.
فطرت نینگ کوپهیتیریشیچه، یاشلرنینگ چیتایللیکلرگه مهاجر بولیشیگه توسیق بولیش اوچون حکومتنی بیللی برنامهسی یوق.
مملکت شمالشرقی ده انسان حقلری کمیسیونینینگ دفتریگه کوره، قطار عایلهلر یاش فرزندلرینی چیتایللیک مملکتلرگه باریش اوچون تشویق قیلهدی.
جناب فطرت نینگ ایتیشیچه، اوشبو قیینچیلیگیکه قرشی کورهش و قاچاقچیلرنی قولگه آلیش اوچون پولیسنی سعی و حرکت قیلیشی کیرهک. اونینگ کوپهیتیریشیچه، مملکت شمالشرقی ده حاضرگهقدر انسان قاچاقیگه قرشی کورهشیش اوچون هیچقندی گزارش رویخط گه آلینمهگن و اوشبو وضعیت خواطرلنترووچی دیر.
شوتوغریده…
