.jpg)
بغلان محلی رسمیلرینینگ ایتیشیچه، جنایی جرملرگه قرشی کورهشه آلمهیدیلر و اهالی جنایی جرملرینی دولت امکانیتیگه یرهشه قیلیشلری کیرهک.
بغلان ولایتیده مخدره مادهگه قرشی ملی حرکت هفتهسی و دنیا بیرلیگی کونیدن نشانلش مراسمیده نطق سوزلهگن ولایت حاکمی عبدالحی نعمتینینگ ایتیشیچه، حکومت مخدره مادهگه چالینگنلرنی اداره قیله آلمهیدی.
جناب نعمتینینگ ایتیشیچه، اوشبو ولایتده جنایی جرملر میزانی آشگن و اهالیدن جرملرینی دولت امکانیتیگه یرهشه قیلیشلرینی طلب قیلهدی.
بغلان حاکمینینگ خواطر بیلدیریب ایتیشیچه، حاضرگی شرایطده اینگ خاین کیشیلر پولیس قومندانی صفتیده تعیین ایتیلگنلر و شو یوزدن امنیت تأمین ایتیلیشی خصوصیده، اولردن هیچ نرسه کوتمهیدی.
.jpg)
عبدالحی نعمتینینگ ایتیشیچه، «هر بیر منطقهده بارسه ولسوال و قومندان اویلریدن چیقه آلمهیدیلر و شوندهی بیر شرایطده اینگ خاین کیشیلر قومندان و پولیس آتیگه تحمیل ایتگن و تأسف بیلن اولردن هیچ نرسه کوتیب بولمهیدی و یخشی کیشیلرنی هم آلیب کیله آلمهیدیلر.»
بیراق، اوشبو ییغینده سوزگه چیققن بغلان مرکزی پلخمری شهرینینگ جامع مسجدی خطیبی مولوی ربانینینگ ایتیشیچه، حکومت مخدره مادهگه چالینگنلرنی اداره و داروله آلمهگن صورتده، اولرنی دینگیزگه تشلش کیرهک.
پلخمری جامع مسجدینینگ خطیبیگه کوره، اوشبو ولایت بنگیلریگه مخدره مادهنی حربی و پولیس کییمی کییلگن کیشیلر و قاره شیشهلی موترلر ییتکیزهدی و دولت تامانیدن اولرنینگ آلدی آلینیشی لازم.
شونینگدیک، بغلان ولایتی مخدره مادهگه قرشی کورهش اداره باشلیغی فضلالحق اندرابی، اهالیدن مخدره مادهگه قرشی کورهش خصوصیده، پولیس کوچلریگه یاردم بیریشلرینی سورهدی.
