لوگر ولایتیده ساغلیقنی سقلش ریاستی مسووللرینینگ سلاموطندارگه ایتیشیچه، اوشبو ولایتده بالهلر آرهسیده سینهوبغل کسللیگی کوپهیگن.
لوگرده ساغلیقنی سقلش اداره مسووللریگه کوره، اوتگن بیر هفته جریانیده سینهوبغل کسللیکگه یولیقگن 300 باله بو ولایت مرکزی کسلخانهسیگه کیلتیریلگن.
مذکور ولایت مرکزی کسلخانه داکترلریدن محمدصدیق استانکزی و محمداسماعیل نینگ سلاموطندارگه ایتیشیچه، سینهوبغل کسللیکگه توسیق بولیش خصوصیده ساغلیقنی سقلش وزیرلیگی سعی و حرکت قیلمهگن صورتده، بو کسللیکگه یولیقگن بالهلرنینگ جان بیریشلری ممکن.
لوگر ولایتیده ساغلیقنی سقلش اداره باشلیغی رسولگل ثمرنینگ بو ادعانی تصدیقلب ایتیشیچه، سینهوبغل کسللیگیگه یولیقگن بالهلرنی درمانلش اوچون سعی و حرکت قیلهدیلر.
سینهوبغل کسللیگیگه یولیقگن بالهلردن بیرقطارینینگ عایله اعضالریگه کوره، سینهوبغل کسللیگیگه یولیقگنلرنینگ ارقامی کوپلیگی باعث، بو ولایتده درمانلش امکانیت ایترلی ایمس دیر.
لوگر ولایتیده ساغلیقنی سقلش اداره مسووللریگه کوره، هوا دغللیگی و ساووقلیگی و سینهوبغل کسللیگی خصوصیده اهالینینگ معلومات سیزلیگی اوشبو کسللیکنی کوپهیشیگه سبب بولگن.
