بغلان ولایتینینگ معارف باشلیغی محمداسماعیل مجاهدنینگ ایتیشیچه، ولایتی کینگش اعضالری تامانیدن تهدید ایتیلیب و مذکور کینگش اعضالری، معارف ایشلریگه دخالت قیلهدی.
جناب مجاهدنینگ ایتیشیچه، بیر بست اوچون 3 کیشی تعیینات مکتوب کیلتیرگن و اوشبو موضوع معارف وزیرلیگی بیلن شریک ایتیلگن.
بغلان معارف باشلیغینینگ ایتیشیچه، معارف وزیرلیگینینگ دستوریگه کوره، مذکور کیشیلردن بیرینینگ بو بستگه استخدام ایتیلیشی کیرهک؛ بیراق ولایتی کینگش باشلیغی دخالت قیلیش بیلن اقاربلریدن بیرینینگ تعیین ایتیلیشینی ایستهیدی.
عینحالده، بغلان ولایتی کینگش باشلیغی محمدصفدر محسنینینگ بو ادعالرنی رد قیلیب ایتیشیچه، حربی و ملکی ادارهلرنینگ ایشلریدن نظارت قیلیش ولایتی کینگشنینگ مسوولیتی دیر و مذکور ادارهلرنینگ قیینچلیگینی حل قیلیش اوچون ولایت کینگش دخالت قیلهدی.
بغلان ولایتی کینگش باشلیغینینگ ایتیشیچه، مذکور ولایت معارف باشلیغینی ادعالرینی اثباتلش اوچون حجت ترقهتیشی کیرهک.
